ఊపిరితిత్తులను ఆరోగ్యంగా వుంచే ఫుడ్స్

Posted: 04/02/2015 04:08 PM IST

Healthy foods for lung health removes respiratory diseases

ప్రస్తుతకాలంలో వాతావరణ కాలుష్యం విపరీతంగా పెరిగిపోయింది. వాహనాల వినియోగం మునుపటికంటే ఎక్కువగా పెరిగిపోవడంతో వాటి నుంచి వెలువడే కలుషిత వాయువు వాతావరణంలో కలిసిపోతుంది. ఇటువంటి వాయువును పీల్చినప్పుడు ఊపిరితిత్తుల్లో అనేకరకాల సమస్యలు ఎదురవుతాయి. శ్వాసకోశ సంబంధిత వ్యాధులూ సంక్రమిస్తాయి. మొదట్లో దీని ప్రభావం అంతగా కనిపించదు కానీ.. కాలక్రమంలో ఇది విషమంగా మారుతుంది.

అలాంటి సమయాల్లో ఈ ఊపిరితిత్తుల సమస్యల నుంచి బయటపడటం అంత సాధ్యమైన విషయం కాదు. కాబట్టి.. ఊపిరితిత్తులను కలుషిత వాయువు నుంచి దూరంగా వుంచాలంటే, అవి నిత్యం ఆరోగ్యంగా వుండాలంటే.. పోషకాలతో నిండిన ఫుడ్స్ తీసుకుంటే చాలు. ఆ ఫుడ్స్ ను రెగ్యులర్ గా తీసుకుంటే ఇవి ఊపిరితిత్తులను శుభ్రం చేస్తాయి. ఇంకా శ్వాస సమస్యల చికిత్సకు ఎంతగానో సహకరిస్తాయని ఆరోగ్య నిపుణులు సూచిస్తున్నారు. మరి ఆ పౌష్టిక ఫుడ్స్ ఏంతో తెలుసుకుందామా..

1. ఆరెంజ్ పండ్లు : ఇందులో సి విటమిన్ వుంటుంది. ఇది ఊపిరితిత్తుల ఆక్సిజన్ శోషణ సామర్థ్యాన్ని పెంచుతుంది. కాబట్టి వీటిని రెగ్యులర్ డైట్ లో తీసుకుంటే.. ఊపిరితిత్తులు ఆరోగ్యంగా ఉంటాయి.

2. దానిమ్మపండ్లు : వీటిలో యాంటీఆక్సిడెంట్స్ సమృద్దిగా వుంటాయి. ఇవీ ఊపిరితిత్తులలోతీ కణితులను నివారించడంలో సహాయం చేస్తాయి. అలాగే శ్వాస సమస్యల చికిత్సకు అద్భుతమైన ఆహారంగా పనిచేస్తాయి.

3. ఉల్లిపాయలు : వీటిలో ఉండే ఆవిర్లు ఊపిరితిత్తుల ఆరోగ్యానికి అద్భుతంగా పనిచేస్తాయి. పొగ త్రాగేవారు ఆరోగ్యకరమైన ఊపిరితిత్తుల కోసం తప్పనిసరిగా ఉల్లిపాయలను తినాల్సిందే!

4. యాపిల్స్ : వీటిలో ఫ్లేవనాయిడ్స్, విటమిన్లు E, B, C ఉంటాయి. ఈ మూలకాలు ఊపిరితిత్తులను శుభ్రం చేస్తూ.. వాటిని ఆరోగ్యంగా వుంచడంలో కీలకపాత్ర వహిస్తాయి.

5. ద్రాక్షపండు : వీటిలో ‘నరింగిన్’ అనే కీలకమైన ఫ్లేవనాయిడ్ ఉంటుంది. ఇది ఊపిరితిత్తులలో కంతి పెరుగుదలను బంధించడంలో ప్రముఖపాత్ర వహిస్తుంది.