మాజీ స్విమ్మర్, మోడల్ సారా కోరియా దుర్మరణం

Posted: 05/03/2015 03:20 PM IST

ప్రముఖ స్విమ్మర్ సారా కొరియా మృతిచెందింది. అనుకోని విధంగా రోడ్డు ప్రమాదానికి గురై బ్రెజిల్కు చెందిన ఈ స్విమ్మర్ మృత్యువాత పడింది. 2011లో జరిగిన పాన్ అమెరికన్ క్రీడల్లో స్విమ్మింగ్ విభాగంలో వెండిపతకాన్ని గెలుచుకున్న.. కోరియా శనివారం ఓ బస్సు స్టాప్ వద్ద వెయిట్ చేస్తుండగా అతి వేగంగా వచ్చిన ఓ కారు బలంగా ఢీకొని వెళ్లిపోయింది. ఆమెను హుటాహుటిన సమీపంలోని మైగెల్ కోటో ఆస్పత్రికి తరలించినప్పటికీ ఫలితం లేకుండా పోయింది. అప్పటికే కొరియా బ్రెయిన్ డెడ్ అయినట్లుగా వైద్యులు ప్రకటించారు.

ఈ విషయాన్ని ఆమె తల్లి మేరియా ఫాతిమా అల్వెస్ గోంకావెస్ ఫేస్బుక్ ద్వారా వెల్లడించినట్లు ఓ మీడియా తెలిపింది. అయితే తన కూతరిది ప్రమాదం కాదని అనుమానాన్ని అమె వ్యక్తం చేసింది. తన కూతురును ఎవరో కావాలనే హత్య చేసినట్లు తల్లి ఫాతిమా ఆరోపించింది. కొరియాను తన ప్రత్యర్థులో.. లేక మరెవరో తనను హతమార్చారని సందేహాన్ని వ్యక్తం చేసింది. తనకు న్యాయం జరిగేవరకు విశ్రమించబోనని ఆమె అన్నారు. సారా కొరియా గత అక్టోబర్లోనే స్మిమ్మింగ్ నుంచి రిటైర్ అయ్యి మోడలింగ్పై దృష్టిని సారించి అకాల మరణం పొందింది.

జి మనోహర్