అరంగేట్రం చేసిన మ్యాచులోనే నాలుగు వికెట్లు..

Posted: 09/08/2021 05:06 PM IST

Sl vs sa 3rd odi debutant maheesh theekshana stars as sri lanka thrash south africa

ఎంతటి దూకుడు మీదున్న క్రీడాకారుడైన అంతర్జాతీయంగా అరంగ్రేటం చేస్తున్న మ్యాచులో కాసింత భయం, అనుకువను ప్రదర్శించాలని అనుకుంటాడు. అంతర్జాతీయ వేధికపై తాను నిలవాలంటే నిదానంగా రాణించాలని భావించి.. తమ జట్టు గెలుపులో కీలక పాత్రను పోషిస్తూనే.. ఒదిగివుండాలని కూడా భావిస్తారు. కానీ ఈ శ్రీలంక బౌలర్ మాత్రం తన దూకుడుకు కళ్లం అన్నది లేదని నిరూపించాడు. అది ఏ వేదికైనా.. ఏ ప్రాంతమైనా సరే.. తన దూకుడుతో.. ప్రత్యర్థి బౌలర్లను కట్టడి చేయడంతో పాటు తన జట్టు గెలుపులోనూ తనదైన ముద్రను వేశాడు.

టీ20 మ్యాచుల కోసం ఎంపిక చేసిన బౌలర్ ను వన్డేలో అరంగ్రేటం చేయిస్తే ఎలా వుంటుంది.. అది రిస్క్. కానీ ఆ రిస్క్ ను తీసుకున్న జట్టు కెప్టెన్.. దక్షిణాఫ్రికాతో జరిగిన మూడో వన్డేలో శ్రీలంక బౌలర్ మహీశ్ తీక్షణను తెరంగ్రేటం చేయించాడు కెప్టెన్. దీంతో ఈ మ్యాచులో ఏకంగా తీక్షణ నాలుగు వికెట్ల సాధించిడంతో.. 78 పరుగుల తేడాతో ఘనవిజయం సాధించింది. దీంతో సిరీస్ ను 2-1తో లంకేయులు కైవసం చేసుకున్నారు. ఈ విజయంలో ఆ జట్టు స్పిన్నర్‌ క్షణ కీలక పాత్ర పోషించాడు. తన వన్డే అరంగేట్ర మ్యాచ్‌లో అధ్బుతమైన ప్రదర్శన చేశాడు. అయితే మ్యాచ్‌ అనంతరం శ్రీలంక కెప్టెన్ దాసున్ శనక.. మహీష్ తీక్షణపై ప్రశంసల వర్షం కురిపించాడు.

"దక్షిణాఫ్రికాతో టీ 20 ల్లో ఆడేందుకు తొలుత తీక్షణను జట్టులోకి తీసుకున్నాము.. ఆనుహ్యంగా మరో స్పిన్నర్‌ ను జట్టులోకి తీసుకున్నాను. కానీ నేను కెప్టెన్‌గా ఆ రిస్క్ తీసుకున్నాను. సెలెక్టర్లు ,కోచ్‌లు నాకు మద్దతు ఇచ్చారు. అది మాకు పెద్ద అడ్వాంటేజ్‌గా మారింది, ”అని మూడో వన్డే తర్వాత శనక వెల్లడించాడు. తీక్షణ ఇంతకు ముందు లంక ప్రీమియర్ లీగ్‌లో ఆడాడని, కుడి చేతి వాటం స్పిన్నర్ స్లీవ్‌లో చాలా వైవిధ్యాలు ఉన్నందున బ్యాట్స్‌మన్‌లు అతడి బౌలింగ్‌ ను ఆర్ధం చేసుకోవడం అంత సులభం కాదని దాసున్ శనక అన్నారు.