టీమిండియా ఓపెనర్ల సరికోత్త రికార్డు

Posted: 08/12/2017 01:51 PM IST

Team india openers creates new record on sri lanka

పల్లెకలె వేదికగా శ్రీలంకతో జరుగుతున్న మూడోవ, చివరి టెస్టు మ్యాచులో భారత ఓపెనర్లు సరికొత్త రికార్డును సొంతం చేసుకున్నారు. పల్లెకెలె అంతర్జాతీయ స్టేడియంలో జరుగుతున్న ఈ మ్యాచ్ లో టీమిండియా ఓపెనింగ్ జోడి శిఖర్ ధావన్, కేఎల్ రాహుల్ లు అత్యధిక ఓపెనింగ్ పార్టనర్ షిప్ ను నమోదు చేసిన ఓపెనర్ల జోడీగా ఘనతను సాధించారు. భారత స్కోరు 84 పరుగుల వద్దకు చేరుకోవడంతో భారత్ క్రికెట్ జట్టుకు ఈ రికార్డు సొంతమయింది.

దీంతో అత్యధిక పరుగులు సాధించిన ఓపెనింగ్ జోడిగా రాహుల్-ధావన్ లు పేరున ఈ రికార్డు నమోదైంది. దీనికితోడు, గత నాలుగేళ్లలో శ్రీలంకతో వంద అంతకంటే ఎక్కువ పరుగుల భాగస్వామ్యాన్ని నెలకొల్పిన రెండో ఓపెనింగ్ జోడీగా కూడా వీరు మరో ఘనతను సాధించారు. గత నాలుగేళ్లలో బంగ్లాదేశ్ ఓపెనర్లు సౌమ్యసర్కార్, తమీమ్ ఇక్బాల్ లు మాత్రమే శ్రీలంకలో 118 పరుగుల భాగస్వామ్యాన్ని నెలకొల్పారు.

మరోవైపు, తొలి సెషన్ లో భారత్ పూర్తి ఆధిపత్యాన్ని ప్రదర్శించింది. వికెట్లు నష్టపోకుండా భోజన విరామ సమయానికి భారత్ 134 పరుగులు చేసింది. ఓపెనర్లు రాహుల్ ధావన్ లు అర్థశతకాలతో రాణించారు. టాస్ గెలిచిన విరాట్ బ్యాటింగ్ ఎంచుకోవడంతో.. అందుకు తగ్గట్టుగానే ధావన్, రాహుల్ లు క్రీజులో చెలరేగిపోతున్నారు. శ్రీలంక బౌలర్లకు ముచ్చెమటలు పట్టిస్తున్నారు. తొలి సెషన్ లోనే ఐదుగురు బౌలర్లను మార్చి మార్చి బౌలింగ్ చేయించిన శ్రీలంకకు వికెట్ కోసం తీవ్రంగా ప్రయత్నిస్తోంది.