సీరీస్ ముగింపు వేడుకలో శిఖర్ ధావన్ డమ్మీ బైక్ ‘కీ’

Posted: 06/26/2015 06:12 PM IST

Team india opener shikhar dhawan trades gift bike for cash

బంగ్లాదేశ్ వన్డే సిరీస్ లలో రాణించిన ఒకే ఒక్కడు ఓపెనర్ శిఖర్ ధావన్.. ఆయన కనబర్చిన మెరుగైన ఆటతీరుకు నిర్వాహకులు ఒక మోటార్ బైక్ ను బహుమతిగా ఇచ్చారు. అయితే.. తనకు బైక్ ఎంతమాత్రం వద్దని.. తేల్చిచెప్పాశాడట శిఖర్ ధావన్. అదేంటి అనుకుంటున్నారా..? తనకు బైక్ బుదులుగా దాని ఖరీదు చేసే మొత్తాన్ని డబ్బు రూపంలో చెల్లించాలని కోరాడట. మొరుగైన ప్రతిభ కనబర్చిన ఆటగాళ్లకు బైక్ లు ఇస్తారా..? అనేగా మీ డౌట్.

బంగ్లాదేశ్ తో సీరీస్ లో అత్యధిక పరుగులు సాధించిన బ్యాట్స్ మెన్ గా శిఖర్ ధావన్ నిలిచాడు. మూడు మ్యాచులు ఆడని ఆయన 52.66 సగటుతో 158 పరుగులు సాధించాడు. వాటితో రెండు ఆర్థ శతకాలు కూడా వున్నాయి. రెండో వన్డేతో పాటు చివరి వన్డేలోనే శిఖర్ అర్థసెంచరీలు సాధించాడు. చివరి వన్డేలో 75మ పరుగులు సాధించిన కీలక ఇన్నింగ్స్ ఆడాడు. ధావన్ అద్బుతమైన ప్రదర్శనతో పాటు మెరుగైన పరుగులు సాధించడంతో ఆయనకు బైక్ బుహుమతిగా ఇచ్చారు నిర్వాహకులు.

అయితే తనకు బైక్ వద్దని, దాని ఖరీదుకు సమానమైన నగదును ఇవ్వాలని ధావన్ కోరడంతో.. సీరీస్ ముగింపు సందర్భంగా జరిగిన బహుమతి ప్రధానోత్సవ కార్యక్రమంలో డాషింగ్ లెఫ్ట్ హ్యాండర్ కు ఓ డమ్మీ తాళం చెవిని బహుకరించారు. దనీిపై శిఖర్ ధావన్ తండ్రి మహేంద్రపాల్ ధావన్ మాట్లాడుతూ.. శిఖర్ కెరీర్ తొలినాళ్లలో బైక్ లు నడపడాన్ని ఇస్టపడేవాడని, ఇప్పుడు టూ వీలర్స్ అంటే పెద్దగా ఇష్టపంటం లేదని వివరించారు. కుటుంబం వుంది కాబట్టి, కారు అయితే అతడికి బాగా ఉపయుక్తంగా వుండేదని అన్నారు.

జి.మనోహర్