ఏకైక టెస్టులో నాల్గవ రోజు వరుణుడి అడ్డంకి.. బంగ్లా స్కోరు 111-3

Posted: 06/13/2015 06:54 PM IST

India vs bangladesh test india dominate as rain plays spoilsport again

టీమిండియా బంగ్లాదేశ్‌ల మధ్య జరుగుతున్న ఏకైక టెస్టు మ్యాచ్‌కి వరుణుడు వరుసగా అంతరాయం కలిగిస్తున్నాడు. ఐదు రోజుల టెస్టు మ్యాచ్ ప్రారంభం నుంచే వరుణుడు పూర్తి అడ్డంకిగా నిలువగా, ఇవాళ కూడా అదే పరిస్థితి ఏర్పడటంతో నాలుగో రోజు ఆటను రద్దు చేస్తున్నట్లు అంఫైర్లు ప్రకటించారు. ఇవాళ కేవలం 30 ఓవర్లు మాత్రమే టీమిండియా వేయగలిగింది. ముప్పై ఓవర్లలో బంగ్లాదేశ్ మూడు విక్కెట్లు నష్టపోయి 111 పరుగులు చేసింది. వరుణుడు అడ్డండికిగా నిలవడంతో.. మధ్యహ్నం తరువాత జరగాల్సిన రెండు సెషన్లను అంపర్లు రద్దు చేశారు.

మూడో రోజు ఓవర్ నైట్ స్కోరుతో 462-6తో ఢిక్లేర్ చేసిన టీమిండియా.. నాల్గవ రోజున ఉదయం నుంచి ఫీల్డింగ్ ఎంచుకుంది. బ్యాటింగ్ ఆరంభించిన బంగ్లా జట్ట ఏకైక టెస్టు మ్యాచ్ లో బోజన సమయానికి మూడు విక్కెట్ల నష్టానికి 111 పరుగులు సాధించిందిం. బంగ్లా ఆటగాళ్లలో ఇమ్రుల్ కేయ్స్ (59), షకిబుల్ హసన్(0) లు క్రీజ్ లో ఉన్నారు. అంతకుముందు తమీమ్ ఇక్బాల్(19), మామ్మినుల్ హక్యూ(30),రహీమ్(2) పెవిలియన్ కు చేరారు. టీమిండియా బౌలర్లలో అశ్విన్ రెండు వికెట్లు తీయగా, హర్భజన్ సింగ్ కు ఒక వికెట్ లభించింది.

ప్రస్తుతం బంగ్లాదేశ్ తొలి ఇన్నింగ్స్ లో భారత్ కన్నా 351 పరుగులు వెనుకబడి ఉంది. కాగా, మధ్యాహ్నం తరువాత మరోమారు వరుణుడు విజృంభించడంతో ఇవాళ జరగాల్సిన మరో రెండు సెషన్లను అంపర్లు రద్దు చేశారు. ఇదిలావుండగా, ఇంకా కేవంల ఒక్క రో జు మాత్రమే మిగిలివుండటంతో.. బంగ్లాదేశ్ పూర్తిగా అల్ అవుట్ అయిన తరువాత.. మ్యాచ్ లో ఇరు జట్లు మరో ఇన్నింగ్స్ ఆడాల్సిన వుంది. దీంతో మ్యాచ్ ఫలితం ఎటూ తెలకుండానే పోతుందని క్రికెట్ అభిమానుల్లో సందేహాలు రేకెత్తుతున్నాయి.

జి. మనోహర్