ధోని దంచి కొట్టాడు

Posted: 09/27/2013 03:26 PM IST

Chennai beat sunrisers hyderabad by 12 runs

జార్ఖండ్ డైనమేట్ ధోని తన సొంత మైదానం రాంచీలో జరిగిన సీఎల్ టి20లో హైదరాబాద్ సన్ రైజర్స్ తో జరిగిన మ్యాచ్ లో ఆకాశమే హద్దుగా చెలగేరి అక్కడి అభిమానులకు చిరస్థాయిగా గుర్తుండే ఇన్నింగ్స్ ఆడి అలరించాడు. గడ్డపై గత మ్యాచ్‌లో విఫలమైన ధోని, ఈ సారి ఫ్యాన్స్‌ను నిరాశ పర్చలేదు. అతి తక్కువ బంతుల్లో (16) అర్థ సెంచరీ (50) పరుగులు చేసి అంత్యంత వేగవంతమైన అర్థ సెంచరీ సాధించిన ధోని జట్టుకు మరో భారీ విజయాన్ని అందించాడు. తొలుత బ్యాటింగ్ చేసిన చెన్నై జట్టు ఆరంభంలో అంత వేగంగా ఆడకపోయినా సురేష్ రైనా తనదైన శైలిలో రాణిస్తూ జట్టు స్కోరును మెల్లిగా పెంచాడు. 17 ఓవర్ల వరకు 141 పరుగులే చేసిన ఆ జట్టు చివరి 3 ఓవర్లలో 61 పరుగులు చేసి 202 మార్కును చేరింది. 19వ ఓవర్లో పెరీరా వేసిన 8 బంతుల్లో 5 బంతుల్ని సిక్సర్లుగా మలిచాడు. బంతి బౌండరీలు దాటుతుంటే ప్రేక్షకులు కేరింతలు కొడుతుంటే హైదరాబాద్ ఆటగాళ్ళు ప్రేక్షకుల్లా నిల్చుండి పోయారు.

అనంతరం భారీ లక్ష్యాన్ని చేధించడానికి బరిలో దిగిన సన్ రైజర్స్ తొలి వికెట్‌కు 56 బంతుల్లో 87 పరుగులు జోడించి ధావన్ (34 బంతుల్లో 48; 7 ఫోర్లు, 1 సిక్స్), పార్థివ్ (28 బంతుల్లో 37; 6 ఫోర్లు) శుభారంభం ఇచ్చారు. అయితే నాలుగు పరుగుల వ్యవధిలో ఈ ఇద్దరితో పాటు డుమిని (0) కూడా అవుట్ కావడంతో రైజర్స్ ఇన్నింగ్స్ పట్టు తప్పింది. చివర్లో గాయాన్ని సైతం లెక్క చేయకుండా భారీ సిక్సర్లతో డారెన్ స్యామీ (25 బంతుల్లో 50; 2 ఫోర్లు, 5 సిక్స్‌లు) ఒంటరి పోరాటం చేసినా రైజర్స్ విజయానికి 12 పరుగుల దూరంలో నిలిచిపోయింది..