ధనార్జనలో కోహ్లీ వారిని మించిపోతాడు

Posted: 09/28/2013 02:43 PM IST

Virat kohli beats ms dhoni sachin tendulkar in ad earnings

భారత క్రికెట్ జట్టు స్టార్ బ్యాట్స్ మెన్ , వైస్ కెప్టెన్ అయిన విరాట్ కోహ్లీ త్వరలో క్రికెట్ లెజెండ్ సచిన్ టెండూల్కర్ ని, భారత కెప్టెన్ ఎం.ఎస్. ధోనీని మించి పోనున్నాడు. అంటే రికార్డుల్లోనో, పరుగుల్లోనో కాదు... సంపాదనలో. కెరియర్లో అంత్యంత వేగంగా ఎదిగిన కోహ్లీ అంతే తొందరగా ధరార్జనలో కూడా ఎదిగాడు. ప్రస్తుతం ధోని, సచిన్ తరువాత ధనార్జనలో కోహ్లీలోనే ఉన్నాడు.

ఇప్పటి వరకు పలు సంస్థలకు బ్రాండ్ అంబాసిడర్ గా ఉన్న కోహ్లీ ఇటీవలే ప్రముఖ ఇంటర్నేషనల్ కంపెనీ అయిన అడిడాస్ తో ఎండార్ మెంటు చేసుకున్నాడు. మూడు సంవత్సరాలకు గాను 10 కోట్ల రూపాయల పారితోషికాన్ని తీసుకుంటున్నాడు. ఇదే కాకుండా ప్రముఖ టైర్ల కంపెనీ అయిన ఎమ్మార్ఎఫ్ తో కూడా 6.5 కోట్లకు ఒప్పందం కుదుర్చుకున్నాడు. ఒకప్పుడు ఈ సంస్థకు సచిన్ ప్రచారం చేశాడు. క్రికెట్ ధోని తరువాత కెప్టెన్ గా, జట్టు విజయాలలో కీలక పాత్ర పోషిస్తున్న కోహ్లీకి ఇటీవలే అర్జున అవార్డు కూడా లభించింది.

కోహ్లీ ఏడాదికి అర్జిస్తున్న సంపాదన లెక్కేస్తే మొదటి స్థానంలో ధోని, రెండో స్థానంలో సచిన్ తరువాత మూడో స్థానంలో ఇతనే ఉన్నాడు. మరో కొన్నేళ్ళలో వీరి హవా తగ్గుతుంది. అప్పుడు కూడా ఇదే స్థాయిలో రాణిస్తే వీరిద్దర్ని మించడం ఖాయం అంటున్నారు.