ఛీర్ గాళ్స్ అందాలు కనుమరుగు

Posted: 06/11/2013 12:47 PM IST

మీరు ఐపీఎల్ ప్రేమికులా ? పొట్టి క్రికెట్ లో ఫోర్లు , సిక్సులతో పాటు ఛీర్స్ గాళ్స్ అందాలను కూడా ఆస్వాదిస్తారా ? అయితే మీకో షాకింగ్ న్యూస్. స్పాట్ ఫిక్సింగ్ వ్యవహారం బయటకు రావడంతో పొట్టి క్రికెట్ ని కాపాడేందుకు బీసీసీఐ కొరడా ఝులిపించింది. క్రికెట్‌ ప్రతిష్ఠను కాపాడాలంటే కొన్ని కఠిన నిర్ణయాలు తప్పవని ముందే హెచ్చరించిన బోర్డు తాత్కాలిక అధ్యక్షుడు జగన్మోహన్‌ దాల్మియా బోర్డు ఐపీఎల్‌ మ్యాచ్‌ల్లో ఛీర్‌ లీడర్స్‌ను నిషేదించాలని, మ్యాచ్‌ అనంతరం క్రికెటర్ల కోసం ఏర్పాటు చేస్తున్న నైట్‌ పార్టీలను కూడా రద్దు చేయాలని తీర్మానించింది. అంతే కాకుండా మ్యాచ్‌కి ముందుగాని, మ్యాచ్‌ పూర్తయిన తర్వాత గానీ క్రికెటర్లతో సొంత ఫ్రాంఛైజీ యజమానులు సైతం కలుసుకోకూడదని షరుతు పెట్టింది. అయితే ఈ కఠిన నిబంధనల వల్ల ఐపీఎల్ పై మోజు తగ్గుతుందని ఐపీఎల్ ప్రేమికులు అంటుంటే, ఫిక్సింగ్ ని అరికట్టాలంటే ఇలాంటివి తప్పవిని బోర్డు అంటుంది.