కుంద్రా పై వేటు పడింది

Posted: 06/11/2013 12:36 PM IST

Bcci suspends rajasthan royals co owner raj kundra

రాజస్థాన్ రాయల్స్ జట్టు సహయాజమాని అయిన నటి శిల్ఫాశెట్టి భర్త రాజ్ కుంద్రా పై బీసీసీఐ సస్పెండ్ చేస్తూ నిర్ణయం తీసుకుంది. తాత్కాలిక అధ్యక్షుడు జగన్మోహన్‌ దాల్మియా ఆపరేషన్‌ ప్రారంభించారు. స్పాట్‌ ఫిక్సింగ్‌ వ్యవహారానికి కేంద్ర బిందువుగా ఆరోపణలు ఎదుర్కొంటున్న రాజస్థాన్‌ రాయల్స్‌ ఫ్రాంఛైజీ సహ యజమాని రాజ్‌కుంద్రాను దాల్మియా అధ్యక్షతన సమావేశమైన బీసీసీఐ వర్కింగ్‌ సస్పెండ్‌ చేస్తూ నిర్ణయం వెలువరించింది. జూన్‌ 2న తొలిసారిగా అత్యవసర సమావేశమైన బోర్డు, జూన్‌ 10న మరోసారి అత్యవసరంగా సమావేశమై సుదీర్ఘంగా చర్చించింది. ఓ ఫ్రాంఛైజీ యజమానికిగా కొనసాగుతూ.. స్వయంగా తానే బెట్టింగ్‌కు పాల్పడడం పట్ల అగ్రహం వ్యక్తం చేసిన బీసీసీఐ తర్జన భర్జనల మధ్య చివరకు ఓ నిర్ణయం తీసుకుంది. కుంద్రానే ఢిల్లీ పోలీసుల ముందు బెట్టింగ్‌ పాల్పడ్డాడనే విషయాన్ని పరిగణలోకి తసుకున్న బోర్డు క్రికెట్‌ నుంచి కుంద్రాను సస్పెండ్‌ చేస్తున్నట్లు ప్రకటించింది.