ధాయ్ లో మెరిసిన తెలుగు తేజం

Posted: 06/10/2013 01:33 PM IST

ధాయ్ లాండ్ లో జరిగిన పెన్ గ్రాండ్‌ప్రి గోల్డ్ టోర్నమెంట్‌లో మన తెలుగు తేజం మెరిసింది. ప్రపంచ ఏడో ర్యాంకర్ అయిన బూన్‌సక్ పొన్సానా (థాయ్‌లాండ్)ను భారత బ్యాడ్మింటన్ రైజింగ్ స్టార్ కిదాంబి శ్రీకాంత్  21-16, 21-12 బోల్తా కొట్టించి, పురుషుల సింగిల్స్‌లో విదేశీగడ్డపై గ్రాండ్‌ప్రి గోల్డ్ టైటిల్ నెగ్గిన తొలి భారతీయ క్రీడాకారుడిగా గుర్తింపు పొందాడు. అద్వితీయ ఆటతీరుతో అదుర్స్ అనిపించాడు. 13వ సీడ్‌గా బరిలోకి దిగిన ఈ 20 ఏళ్ల ఆంధ్రప్రదేశ్ యువ ఆటగాడు తన ప్రత్యర్థులకు ఒక్క గేమ్ కూడా కోల్పోకుండా టైటిల్‌ను గెలుచుకోవడం విశేషం. ఎలాంటి అంచనాలు లేకుండా బరిలోకి దిగిన ఈ ఆటగాడు థాయ్‌లాండ్ ఓపెన్ గ్రాండ్‌ప్రి గోల్డ్ టోర్నమెంట్ గెలుచుకొని తెలుగు కీర్తి నలుమూలల చాడటమే కాకుండా, అందరినీ ఆశ్చర్యంలో ముంచెత్తాడు.