మట్టి కోర్టులో మళ్ళీ ఇతడే కింగ్

Posted: 06/10/2013 01:29 PM IST

అనుకున్నదే జరిగింది. మట్టికోర్టులపై తిరుగులేని ఆధిపత్యాన్ని చాటుకుంటూ వస్తున్న స్పెయిల్ బుల్ రఫెన్ నాదల్ ఎనిమిదోసారి ఫ్రెంచ్ ఓపెన్‌ను కైవసం చేసుకున్నాడు. ఆదివారం 2 గంటల 16 నిమిషాలపాటు జరిగిన పురుషుల సింగిల్స్ ఫైనల్లో మూడో సీడ్ నాదల్ 6-3, 6-2, 6-3తో నాలుగో సీడ్ డేవిడ్ ఫెరర్ (స్పెయిన్)పై విజయం సాధించాడు. పురుషుల టెన్నిస్ చరిత్రలో ఒకే గ్రాండ్‌స్లామ్ టైటిల్‌ను ఎనిమిదిసార్లు సాధించిన ఏకైక క్రీడాకారుడిగా చరిత్రపుటల్లోకి ఎక్కాడు. తాజా విజయంతో ఇప్పటివరకు ఒకే గ్రాండ్‌స్లామ్ టైటిల్‌ను అత్యధికంగా ఏడుసార్లు చొప్పున ఫెడరర్, పీట్ సంప్రాస్, విలియమ్ రెన్‌షా (వింబుల్డన్), బిల్ టిల్డన్, లార్నెడ్, రిచర్డ్ సియర్స్ (యూఎస్ ఓపెన్) నాదల్ వీరందరినీ అధికమించాడు.