Posted: 03/28/2013 01:28 PM IST

 చెన్నైలో జరిగే  ఐపీఎల్  మ్యాచ్ ల నుంచి శ్రీలంక క్రికెటర్లను  తప్పించాలన్న  ఐపీఎల్ పాలక మండలి  నిర్ణయాన్ని మాజీ కెప్టెన్  అర్జున్  రణతుంగ తప్పుపట్టాడు. లంక క్రికెటర్లు  చెన్నైలో  ఆడడం వీలుకాన్నప్పుడ .. అక్కడి  మ్యాచ్ లను  మరో వేదికకు తరలించాలి.  అంతేగానీ.. చెన్నై మ్యాచ్ లకు  లంక ఆటగాళ్లను దూరంగా ఉంచడమేంటి? ఇదంత రాజకీయ ఎత్తుగడ. చెన్నైలో  ఆడించకపోవడానికి లంకలో మానవ హక్కుల ఉల్లంఘనను కారణంగా  చూపిస్తున్నారు.  క్రికెట్లరు దీని గురించి  ఆలోచించాలి.  ఐపీఎల్  పాలక మండలి  నిర్ణయం నిరాశ కలిగించిందని  స్పిన్  దిగ్గజం  ముత్తయ్య మురళీధరన్ అన్నాడు. క్రికెట్ కు ఇది దుర్ధినం. భారత్ లోఒక ప్రాంతానికి మమ్మల్ని  అనుమతించకపోవడం చాలా బాధ కలిగిస్తోంది. ప్రభుత్వం  మాకు భద్రత  కల్పించలేనప్పుడు  మేముం  జాగ్రత్తగా  ఉండాల్సిన అవసరముంది.

అయినా శ్రీలంకలో పరిస్థితి  ఇప్పుడు మెరుగ్గానే ఉంది  తమిళులు, సింహళీయుల మధ్య గతంలో యుద్ద వాతావరణం ఉండేది.  ఇప్పుడు  శ్రీలంక లో అంతా ప్రశాంత జీవనం సాగిస్తున్నారు. నేను లంక జట్టకు 20 ఏళ్లు ప్రాతినిధ్యం  వహించాను.  తమిళుడిగా నెనెప్పుడు సమస్యలు ఎదుర్కొలేదు.  ప్రభుత్వం,  క్రికెట్ బోర్డు నాకు ఎప్పుడు మద్దతుగా  నిలిచాయాని  మురళీధరన్  చెప్పాడు. అయితే  మురలీధరన్  మాత్రం చెన్నైకి చెందిన  మదిమలార్ ను  వివాహమాడాడు.