Posted: 03/28/2013 01:24 PM IST

ఇప్పటికి  ఐపీఎల్  ఫివర్  బాగా పాకిపోయింది.   ఐపీఎల్-6  ఆరంభానికి సిద్దంగా ఉంది.  అయితే  ఇప్పుడు  ఐపీఎల్ కు కొత్త షెడ్యూల్  ఇచ్చారు. గతంలో ఉన్న ఐపీఎల్  షెడ్యూల్ లో కొంచెం మార్పులు  చేయటం జరిగింది.  కర్ణాటకలో  అసెంబ్లీ ఎన్నికల నేపథ్యంలో   ఐపీఎల్ షెడ్యూల్ మార్చినట్లు  తెలుస్తోంది.  బెంగళూరులో  4, 6వ తేదీల్లో  జరగాల్సిన  మ్యాచ్ లతో పాటు మరికొన్ని  మ్యాచ్ ల తేదీలు,  సమయాల్లో  మార్పులు  జరిగాయి. మే 4న రాయల్ ఛాలెంజ ర్స్  బెంగళూరు (ఆర్ సీబీ) , పంజాబ్ మధ్య  బెంగళూరులో  జరగాల్సిన  మ్యాచ్ మే 14న తేదీకి  వాయిదా  పడగా, మే 6న  బెంగళూరులో  సన్ రైజర్స్  హైదరాబాద్, ఆర్ సీభీ మధ్య మ్యాచ్  ఏప్రిల్ 9కి మారింది.  ఏప్రిల్ 23న మొహాలీలో ఢిల్లీ , పంజాబ్ మధ్య మ్యాచ్ ను  మే 16న ధర్మశాలలో  నిర్వహించనున్నారు.  మే 16న బెంగళూరు, పంజాబ్  మద్య ధర్మశాలలో  జరగాల్సిన  మ్యాచ్  మే 6న మొహాలీలో జరుగుతుంది.  ఏప్రిల్ 9న  హైదరాబాద్ లో  బెంగళూరు, సన్ రైజర్స్  హైదరాబాద్ మధ్య మ్యాచ్  సాయంత్రం 4 గంటలకు కాకుండా రాత్రి 8 గంటలకు  ఆరంభమవుతుంది.