Posted: 03/19/2013 10:51 AM IST

క్రికెట్ ప్రపంచంలో అన్ని జట్లకన్నా ఎక్కువ క్రేజ్ ఇండియా జట్టుకే ఉంటుంది. అన్ని దేశాల క్రికెక్ బోర్డులలో అధిక సంపన్న బోర్డు కూడా ఇండియానే. ప్రపంచలోని క్రికెట్ ఆటగాళ్ళలో ఎక్కువ సంపాదించేది కూడా ఇండియా ఆటగాళ్ళే.  ఎందుకంటే కంటే మన దేశంలో దానికున్నక్రేజ్ అంతా ఇంతా కాదు. క్రికెట్ మ్యాచ్ వస్తుందంటే చాలు ఆఫీసులకు, స్కూళ్ళకు, ఇంటి పనులను సైతం ప్రక్కకు పెట్టి టీవీలకు అతుక్కుంటారు. మన ఇండియా బ్యాట్స్ మెన్లలో స్టార్ బ్యాట్స్ మెన్స్ సచిన్ , ధోనీ లకు బ్రాండ్ వ్యాల్యూ ఎక్కువ. వీరిది దాదాపు 100 కోట్లు. ఇప్పుడు వీరి సరసన మరో క్రికెటర్ చేరాడు. అతనే విరాట్ కోహ్లీ గత సంవత్సరం నుండి బ్యాటింగ్ లో అదరగొడుతూ టీమిండియాకు వెన్నుముకగా నిలుస్తూ వస్తున్న ఇతని పై అంతర్జాతీయ కంపెనీలు కన్నేసి ఇతన్ని తమ వస్తువులకు బ్రాండ్ అంబాసిడర్ గా పెట్టుకుంటున్నాయి. ప్రస్తుతం ఇతను 15 కంపెలతో ఒప్పందాలు కదుర్చుకున్నాడు. వీటి విలువ దాదాపు 100 కోట్లు ఉంటుందని అంచనా వేస్తున్నారు. టీం లోకి వచ్చిన అతి తక్కువ కాలంలోనే 100 కోట్ల బ్రాండ్ వేల్యూ సంపాదించిన క్రికెటర్ కోహ్లీ అనే చెప్పాలి. ఒక్కో ప్రకటనకు ఈ స్టార్ బ్యాట్స్ మన్ వసూలు చేసేది ఎంతో తెలుసా....అక్షరాల రూ. 3 కోట్లు.  ఇప్పుడే ఇంత వేల్యూ ఉంటే భవిష్యత్తులో మరింత పెరగవచ్చని అంటున్నారు.