Posted: 01/31/2013 11:37 AM IST

భారత ఫాస్ట్ బౌలర్ అయిన జహీర్ ఖాన్ ని ముంబై జట్టులో స్థానం దక్కలేదు. ఇరానీ ట్రోఫీలో భాగంగా ఇందులో పాల్గొనే అభ్యర్థుల జాబితాను ఎంసీఏ సెలక్షన్ కమిటీ 15 మంది సభ్యులను ఎంపిక చేసింది. ఇందులో జహీర్ ఖాన్ కి స్థానం దక్కలేదు. ఈనెల ఆరంభంలో కాలిపిక్క గాయం బారిన పడిన జహీర్ ఖాన్ పూర్తి ఫిట్ నెస్ లో లేకపోయే సరికి ఇతన్ని ఇరానీ ట్రోఫీకి ఎంపిక చేయలేదని, ముంబై క్రికెట్ అసోసియేషన్ (ఎంసీఏ) కార్యదర్శి నితిన్ దలాల్ తెలిపారు. దీంతో ఆస్ట్రేలియాతో జరిగే తొలి టెస్టు (ఫిబ్రవరి 22 నుంచి)కూ అతను అందుబాటులో ఉండటంపై అనుమానాలు నెలకొన్నాయి. ఇక జట్టులోకి కొత్తగా రోహిత్, రహానేలు వచ్చి చేరారు. చ్చే నెల 6 నుంచి వాంఖడే స్టేడియంలో ముంబై, రెస్టాఫ్ ఇండియాల మధ్య ఇరానీ కప్ మ్యాచ్ జరుగుతుంది.

ముంబై జట్టు: అగార్కర్ (కెప్టెన్), సచిన్, జాఫర్, రహానే, రోహిత్, సూర్యకుమార్ యాదవ్, ధావల్ కులకర్ణీ, కౌస్తుభ్ పవార్, అభిషేక్ నాయర్, హికేన్ షా, ఆదిత్య తారే, అంకిత్ చవాన్, జావేద్ ఖాన్, శార్దుల్ ఠాకూర్, విశాల్ దబోల్కర్.