Posted: 01/18/2013 01:23 PM IST

సింహాల ధాటికి కంగారులు కంగారెత్తారు. బ్రిస్బేన్ లో శ్రీలంక, ఆస్ట్రేలియా మధ్య జరుగుతున్న మూడో వన్డేలో ఆసీస్ లంక బౌలర్ల ధాటికి కుప్ప కూలింది. లంక ఫేసర్లు విజృంభించడంతో ఆసీస్ 26.4 ఓవర్లలో 74 పరుగులకు ఆల్ అవుట్ అయ్యింది. ఈ మ్యాచ్లో కులశేఖర పది ఓవర్లలో 22 పరుగులిచ్చి అయిదు వికెట్లు తీసుకున్నాడు. వన్డేల్లో ఆస్ట్రేలియాకు ఇది రెండో అత్యల్ప స్కోర్‌గా చెప్పుకోవచ్చు. గతంలో వన్డేల్లో న్యూజిలాండ్‌ చేతిలో 70 రన్స్‌కు ఆస్ట్రేలియా ఆలౌటైంది. బ్రిస్బేన్‌ వన్డేలో స్టార్క్‌ అత్యధికంగా 22 పరుగులు చేశాడు. లంక బౌలర్లలో మలింగ మూడు వికెట్లు తీసుకోగా మాథ్యూస్‌, ఎరాంగాలు చెరో వికెట్‌ తీసుకున్నారు. 75 పరుగుల విజయ లక్ష్యంతో శ్రీలంక భరిలోకి దిగింది.