Posted: 01/19/2013 03:22 PM IST

భారత్ - ఇంగ్లాండ్ వన్డే సిరీస్ లో భాగంగా నేడు ధోని ఇలాకాలో రాంఛి స్టేడియంలో విజయధుందుభి మోగించాడు.  ముందుగా బ్యాటింగ్ చేసిన ఇంగ్లాండ్ 42.2 ఓవర్లలో 155 పరుగులకు ఆలౌటైంది. భారత్ ముందు 156 పరుగుల విజయ లక్ష్యాన్ని ఉంచింది. భారత బౌలర్లు కట్టుదిట్టంగా బౌలింగ్ చేయడంతో ఇంగ్లాండ్ జట్టు స్వల్ప స్కోరుకే పరిమితమయింది.

156 పరుగుల విజయ లక్ష్యంతో బరిలోకి దిగిన భారత్ 28 ఓవర్లలో మూడు వికెట్లు కోల్పోయి లక్ష్యాన్ని ఛేదించింది. ఓపెనర్ అజింక్య రహానే పరుగులేమి చేయకుండానే వెనుదిగినా, గంభీర్, కోహ్లీ, యువరాజ్ రాణించి జట్టును విజయతీరాలకు చేర్చారు. కోహ్లీ 77 పరుగులతో నాటౌట్ గా నిలిచాడు. యువరాజ్ 30 పరుగులు, గంభీర్ 34 పరులుగు చేశారు. ఇంగ్లండ్ ఆటగాళ్లలో రూట్(39), బెల్ 25, బ్రెస్నన్ 25, కుక్ 17, పీటర్సన్ 17, మోర్గాన్ 10 పరుగులు చేశారు. భారత బౌలర్లలో జడేజా 3, అశ్విన్ 2, ఇషాంత్ శర్మ 2 వికెట్లు తీశారు. భువనేశ్వర్ కుమార్, షమీ అహ్మద్, రైనా తలో వికెట్ దక్కించుకున్నారు. ఈ మ్యాచ్ విజయంతో భారత్ 2 – 1 ఆధిక్యంలోకి దూసుకెళ్లింది.