Posted: 12/17/2012 07:45 PM IST

భారత్ తో జరిగిన నాలుగు టెస్ట్ ల సిరీస్ ను ఇంగ్లండ్ 2-1 తేడాతో గెల్చుకుంది. ఈ రెండు జట్ల మధ్య జరిగిన చివరి టెస్ట్ డ్రాగా ముగిసింది. మొదటి టెస్ట్ లో టీమిండియా విజయం సాధించింది. రెండు, మూడు టెస్టుల్లో ఇంగ్లండ్ గెలిచింది. నాలుగో టెస్ట్ రెండో ఇన్నింగ్స్ లో కుక్ సేన నాలుగు వికెట్లు కోల్పోయి 352 పరుగులు చేసింది. ట్రాట్(143), బెల్(116) సెంచరీలు సాధించారు. ఇంగ్లండ్ ను ఆలౌట్ చేసేందుకు భారత బౌలర్లు చేసిన ప్రయత్నాలు ఫలించలేదు.మ్యాచ్ ఫలితం తేలే అవకాశాలు లేకపోవడంతో ఇరు జట్ల కెప్టెన్లు డ్రాకు అంగీకరించారు. తొలి ఇన్నింగ్స్ లో ఇంగ్లీషు టీమ్ 330 పరుగులు చేసింది. భారత్ 326 పరుగులు సాధించింది. ఎనిమిదేళ్ల తర్వాత సొంతగడ్డపై భారత్ టెస్ట్ సిరీస్ చేజార్చుకుంది. 28 ఏళ్ల తర్వాత భారత్ లో ఇంగ్లండ్ టెస్ట్ సిరీస్ గెలవడం విశేషం.