Posted: 10/01/2012 08:32 PM IST

టీ 20 ప్రపంచకప్ సూపర్ 8 లో భాగంగా న్యూజిలాండ్, వెస్టిండీస్ జట్ల మధ్య జరుగుతున్న మ్యాచ్ లో వెస్టిండీస్ తొలుత బ్యాటింగ్ చేసి 139 పరుగులకు ఆలౌట్ అయ్యింది. తొలుత టాస్ గెలిచి విండీస్ ను బ్యాటింగ్ కు ఆహ్వానించింది. విండీస్ ఓపెనర్ చార్లెస్ 8 పరుగులకే బ్రేస్ వెల్ బౌలింగ్ లో అవుటవగా గేల్(14 బంతుల్లో 30 పరుగులు) కాసేపు మెరుపులు మెరిపించాడు.. మిగిలిన వారిలో శామ్యూల్స్ (24 పరుగులు), పొలార్డ్ (28 పరుగులు) మినహా మిగిలినవారెవరూ చెప్పుకోదగ్గ స్కోర్లు సాధించలేకపోయారు.

న్యూజిలాండ్ బౌలర్లలో బ్రేస్ వెల్, సౌతీలు 3 చొప్పులు, మెకలమ్ 2, ఓరమ్, హీరాలు 1 చొప్పున వికెట్లు సాధించారు. మొత్తం 19.3 ఓవర్ల పాటు బ్యాటింగ్ చేసిన విండీస్ జట్టు న్యూజిలాండ్ జట్టుకు 140 పరుగుల లక్ష్యాన్ని నిర్దేశించింది. అనంతరం బ్యాంటింగ్ కి దిగిన న్యూజిలాండ్  విజయానికి కావాల్సిన 140 పరుగుల లక్ష్యానికి ఒక పరుగు దూరంలో న్యూజిలాండ్ ఆగిపోవడంతో మ్యాచ్ ఫలితం సూపర్ ఓవర్ పై అధారపడింది. వెస్టిండీస్ 19.3 ఓవర్లలో 139 పరుగులకు ఆలౌట్ కాగా, న్యూజిలాండ్ 20 ఓవర్లలో 7 వికెట్లు కోల్పోయి 139 పరుగులు చేసింది. ఈ సూపర్ ఓవర్ లో న్యూజిలాండ్ 17 పరుగులు చేయగా, వెస్టిండీస్ 19 పరుగులు చేసిన సూపర్ విజయాన్ని నమోదు చేసింది.