Posted: 10/02/2012 11:35 PM IST

ఇక ఎవరైనా ఆస్ట్రేలియన్ ఓపెన్ టోర్నమెంట్ గెలిస్తే వారికి పండగే... ఎందుకంటే ఆ టోర్నమెంట్ నిర్వాహకులు ప్రైజ్ మనీని భారీ స్థాయిలో పెంచారు. ఈ సంవత్సరం అంటే 2013 టోర్నమెంట్ నుండి ఇది అమలులోకి వస్తుంది. భారీ ప్రైజ్ మనీ కోసం ఆటగాళ్లు ఒత్తిడి తెచ్చిన నేపథ్యంలో టోర్నమెంట్ నిర్వాహకులు ఈ నిర్ణయం తీసుకున్నారు. అంతేకాక టోర్నమెంట్ నుంచి ఆటగాళ్లు తప్పుకోవచ్చనే ఊహాగానాలతో ప్రైజ్ మనీని 31.1 మిలియన్ యూస్ డాలర్లకు పెంచుతూ నిర్వహకులు నిర్ణయం తీసుకున్నారు. గత సంవత్సరం చెల్లించిన మొత్తం కంటే ఈసారి 4.1 మిలియన్ డాలర్లను ఎక్కువగా చెల్లించనున్నట్టు టెన్నిస్ ఆస్ట్రేలియా చీఫ్ స్టీవ్ వుడ్ తెలిపారు.