Posted: 08/14/2012 03:45 PM IST

రిలేలోనూ స్వర్ణంతో డబుల్  ట్రిపుల్ సాధించిన ఉసేన్ బోల్డ్ ..  ఆ గొప్ప ఘనతకు  గుర్తుగా రిలే బ్యాటన్ ను  తన వద్దే  పెట్టుకున్నాడు.  ఐతే అందుకోసం  అతడు చాలా శ్రమే తీసుకున్నాడు. బ్యాటన్ ను తిరిగి ఇచ్చేయకుండా అనర్హత ముప్పునూ ఎదుర్కొన్నాడు.  చివరికి అథ్లెటిక్స్  అధికారులను  నిబంధనలను   మార్చేలా  ఒప్పించి  బ్యాటన్ ను  సొంతం  చేసుకున్నాడు.  నిబంధనల ప్రకారం రిలే ముగియగానే  బ్యాటన్ ను తిరిగి అధికారులకు అప్పగించాలి.   రిలేలో  జమైకా జట్టు ప్రపంచ రికార్డు  టైమింగ్ తో  స్వర్ణం సాధించాక బోల్డ్  అలా చేయలేదు.  బ్యాటన్  అప్పగించకుంటే  అనర్హత  వేటు పడుతుందని  బెదిరించారు. ఐతే బోల్డ్  బతిమాలడంతో  నిబంధనలు  మార్చినట్లు  తెలుస్తోంది.  బ్యాటన్  తన సొంతమైనట్లు బోల్డ్  ప్రకటించాడు .