Posted: 09/01/2012 09:18 PM IST

భారత, న్యూజిలాండ్‌ల మధ్య బెంగుళూరులో జరుగుతున్న రెండవ క్రికెట్ టెస్ట్ మ్యాచ్‌లో భారత బ్యాట్స్ మెన్లు తడబడి నిలబడ్డారు. టాప్ ఆర్డర్ వెనువెంటనే వెనుదిరిగినా మిడిలార్డర్ బ్యాట్స్ మెన్లు నిలదొక్కుకోవడంతో భారత గౌరవప్రథమైన స్కోరు సాధించింది. న్యూజిలాండ్ చేసిన 365 పరుగులకు సమాధానంగా భారత్ శనివారంనాడు ఐదు వికెట్లకు 283 పరుగులు సాధించింది. టాప్ ఆర్డర్ విఫలం అవడంతో 200 పరుగులకే చాప చుట్టేస్తారని అందరు భావించారు. అప్పటికే 5 వికెట్లు పడ్డాయి. కానీ కోహ్లీ 93, ధోనిలు 46తో నాటౌట్ గా నిలవడంతో అందరు ఊపిరి పీల్చుకున్నారు.  ఆరవ వికెట్ పడకుండా అటు విరాట్ కోహ్లి శతకానికి దగ్గరగా బ్యాటింగ్ చేస్తుంటే కెప్టెన్ ధోని అర్థ శతకానికి దగ్గరగా అజేయంగా బ్యాటింగ్ చేస్తున్నాడు. వీరి భాగస్వామ్యం 104 పరుగులుగా ఉంది. వీరిద్దరు కనుక నిలదొక్కుకుంటే భారత్ భారీ లక్ష్యాన్ని చేయడం ఖాయంగా కనిపిస్తుంది.