కంప్యూటర్ ముందు కూర్చుంటున్నారా ? అయితే

Posted: 07/10/2014 08:07 PM IST

Too much sitting takes a heavy toll on your health

మీది కంప్యూటర్ ముందు కూర్చుని పనిచేస్తున్న వారు ఈ చిట్కాలు పాటించండి. కంప్యూటర్ మనిషి జీవితంలో ఓ భాగమైపోయింది. గంటలకొద్ది కంప్యూటర్ల ముందు కూర్చుని పని చేస్తుంటారు. తదేకంగా కంప్యూటర్‌ను చూడటం మూలాన కళ్ళు అలసటకు గురౌతాయి. దీంతో శరీరం చాలా అలసటకు గురైనట్లు అనిపిస్తుంటుంది. ఈ అలసటనుంచి ఉపశమనం కలిగేందుకు కొన్ని చిట్కాలు.

- మీరు వాడే కుర్చీ అడ్జస్టబుల్‌గా ఉందా లేదా చూసుకోండి. మీరు కూర్చుని పని చేసే చోటు ప్రశాంతమైనదిగా ఉండేలా చూసుకోండి.

- మీరు ఉపయోగించే మానిటర్ ఎత్తు మీ కళ్ళకు నేరుగా ఉండేలా చూసుకోండి. మీరు నిత్యం కంప్యూటర్‌తో పని చేసేటట్లయితే ప్రతి 40 నిమిషాల తర్వాత కీ బోర్డు మరియు మానిటర్ నుంచి కాసేపు మీరు పక్కకు తొలగండి.

- ఆ తర్వాత దూరంగానున్న ఏదైనా వస్తువును చూడండి. దీంతో కళ్ళకు కలిగిన శ్రమ తగ్గి ఉపశమనం కలుగుతుందంటున్నారు ఆరోగ్యనిపుణులు.

- మీరు కంప్యూటర్‌ను ఉపయోగించేటప్పుడు తగిన కాంతి కలగిన లైట్లు ఉపయోగించండి. మీ భుజాలకు కాస్త సౌకర్యవంతంగా ఉండేలా కుర్చీని ఏర్పాటు చేసుకోండి.

- మీరు ఉపయోగించే కంప్యూటర్‌కు చెందిన వైర్లు కాళ్ళ వద్ద లేకుండా చూసుకోండి. కంప్యూటర్‌తో పని చేసేటప్పుడు మీరు కూర్చునే విధానం, కంప్యూటర్ స్క్రీన్ సరైన కోణంలో ఉందా లేదా చూసుకుంటుండండి. అన్నీ సక్రమంగా ఉంటే వెన్ను నొప్పి, ఇతర బాధలు దరిచేరవంటున్నారు వైద్యులు.

- మీరు ఉపయోగించే కీ బోర్డు మీరు కూర్చున్న తీరులో ఉండేలా చూసుకోండి. చేతులకు మరియు పై భాగానికి 70-90 డిగ్రీల కోణంలో ఉండేలా చూసుకోండి.