మన పీవి సింధూరం ఇక సబ్ కలెక్టర్..!

Posted: 05/16/2017 07:16 PM IST

భారత షెట్లర్ స్టార్.. తెలుగు తేజం, రియో ఒలంపిక్స్ రజత పతక విజేత పీవీ సింధు ఇకపై సబ్ కలెక్టర్. అవునండీ అమెను సబ్ కలెక్టర్ గా ఆంధ్రప్రదేశ్ ప్రభుత్వం నియమించింది. ఇందుకోసం ఏపీ అసెంబ్లీలో ప్రజాసేవల చట్టంలో సవరణలు చేసిన ప్రభుత్వం ఈ మేరకు ఒక బిల్లును కూడా రూపోందించింది. ఈ మేరకు రూపోందించిన బిల్లుకు ఇవాళ జరిగిన అసెంబ్లీ సమావేశంలో ఆంధ్రప్రదేశ్ ప్రభుత్వం అమోదం తెలిపింది.

ఒలింపిక్స్‌లో రజత పతకం సాధించిన పీవీ సింధుకు గ్రూప్‌-1 ఉద్యోగం ఇచ్చేందుకు వీలుగా ఈ చట్ట సవరణ బిల్లును సభలో ప్రవేశపెట్టారు. ఈ సందర్భంగా ముఖ్యమంత్రి చంద్రబాబునాయుడు మాట్లాడుతూ.. ఒలింపిక్స్‌లో సింధు అద్భుతమైన ప్రతిభ చూపిందని కొనియాడారు. దీంతో ఆమెను సబ్ కలెక్టర్‌గా నియమిస్తూ నిర్ణయం తీసుకున్నట్లు తెలిపారు. గత ప్రభుత్వాలు క్రీడా రంగాన్ని నిర్లక్ష్యం చేశాయని.. తమ ప్రభుత్వం క్రీడలకు అధిక ప్రాధాన్యత ఇస్తున్నట్లు చెప్పారు. ఈ బిల్లును ఆమోదం తర్వాత శాసనసభ నిరవధికంగా వాయిదా పడింది.