ప్రపంచ బ్యాడ్మింటన్ తాజా ర్యాంకింగ్స్.. అగ్రస్థానంలో మళ్లీ సైనా నెహ్వాల్

Posted: 08/20/2015 07:22 PM IST

ప్రపంచ బ్యాడ్మింటన్ తాజా ర్యాంకింగ్స్ లో భారత స్టార్ షట్లర్ సైనా నెహ్వాల్ మళ్లీ అగ్రస్థానానికి చేరుకుంది. ఇటీవల ప్రపంచ బ్యాడ్మింటన్ ఛాంపియన్ షిప్ లో స్పెయిన్ క్రీడాకారిణి కరోలినా మారిన్ చేతిలో పరాజయం పాలై.. రజకంతో సరిపెట్టుకున్న సైనా.. తాజాగా ప్రపంచ బ్యాడ్మింటన్ ఫెడరేషన్ విడుదల చేసిన ర్యాంకింగ్స్ లో మాత్రం నెంబర్ వన్ స్థానాన్ని దక్కించుకుంది. బీడబ్లుఎఫ్ ప్రకటించిన తాజా ర్యాంకుల ప్రకారం, ఛాంపియన్ షిప్ లో సైనాను ఓడించి స్వర్ణం గెలుచుకున్న కరోలినా మారిన్ రెండవ స్థానంలో కోనసాగుతోంది.

ఇక చైనీస్ తైపీ క్రీడాకారిణి తాయ్ జూ యింగ్ మూడవ స్థానం, చైనా క్రీడాకారిణి లీ జురై నాలుగవ స్థానంతో సరిపెట్టుకుంది. అటు వరల్డ్ ఛాంపియన్ షిప్ లో రెండుసార్లు కాంస్య పతకం గెలుచుకున్న పీవీ సింధు 14వ స్థానానికి పడిపోయింది. పురుషుల సింగిల్స్ లో కిదాంబి శ్రీకాంత్ నాలుగవ స్థానానికి పడిపోగా, పారుపల్లి కశ్యప్ రెండు స్థానాలు మెరుగుపరుచుకుని 8వ స్థానానికి చేరుకున్నాడు.

జి మనోహర్