యువకెరటం దూకుడు.. అగ్రశ్రేణి కథ కంచికి..

Posted: 11/22/2014 12:13 PM IST

Kidambi srikanth won quarters finals hongkong open super series

హాంకాంగ్ ఓపెన్ సూపర్ సిరీస్’లో భాగంగా బ్యాడ్మింటన్ టోర్నీలో ఇండియాకు మిశ్రమ ఫలితాలు ఎదరయ్యాయి. నిన్నటికినిన్నే చాలాకాలం తర్వాత చైనాఓపెన్ టైటిల్’ను సొంతం చేసుకున్న అగ్రశ్రేణి క్రీడాకారిణి సైనా నెహ్వాల్ హాంకాంగ్ టోర్నీ నుంచి నిష్ర్కమించగా.. మరోవైపు చైనా ఓపెన్ సిరీస్’లో చైనా బ్యాడ్మింటన్ దిగ్గజాన్ని ఓడించి సరికొత్త సంచలనం సృష్టించిన యువకెరటం కిదాంబి శ్రీకాంత్.. అదే దూకుడుతో హాంకాంగ్ టోర్నీలో దూసుకెళ్లాడు. పురుషుల్ సింగిల్స్ లో క్వార్టర్స్’లో శ్రీకాంత్ 21-14, 21-15 స్కోరుతో హాంకాంగ్ కు చెందిన నాన్ వీపై విజయం సాధించాడు. 36 నిముషాలపాటు జరిగిన ఈ మ్యాచులో తిరుగులేని ఆధిపత్యాన్ని కనబరిచాడు. మొదట్లో శ్రీకాంత్ కు ప్రత్యర్థి నుంచి కాస్త గట్టి పోటీయే ఎదురైంది కానీ.. తర్వాత తన ప్రతిభతో ఆధిక్యాన్ని కొనసాగిస్తూ సునాయాంగా ఆటను ముగించేశాడు.

మరోవైపు అగ్రశ్రేణి క్రీడాకారిణి సైనా నెహ్వాల్ మాత్రం ఈ హాంకాంగ్ టోర్నీ నుంచి నిష్ర్కమించి.. ఇండియా ఆశల్ని నిరుగార్చేసింది మహిళల సింగిల్స్ క్వార్టర్ ఫైనలల్లో మూడో సీన్ సైనా నెహ్వాల్ 15-21, 19-21 స్కోరుతో చైనీస్ తైపీ యింగ్ జు చేతిలో ఘోరంగా పరాజయం పాలయ్యింది. 39 నిముషాలపాటు సాగిన ఈ మ్యాచులో సైనా మొదట్లో ప్రత్యర్థికి గట్టి పోటీయే ఇచ్చినా.. ఓడించలేకపోయింది. దీంతో ఈమె వెనుదిరగాల్సి వచ్చింది. ఇదిలావుండగా.. తన అద్భుత ప్రదర్శనతో దూసుకెళ్తున్న శ్రీకాంత్.. ఈ హాంకాంగ్ టోర్నీ టైటిల్ ను కూడా సొంతం చేసుకుంటాడా..? లేదా..? అని ఆసక్తికరంగా ప్రతిఒక్కరు ఎదురుచూస్తున్నారు.