సెహ్వాగ్ ను వెనక్కునెట్టి ధోని, కోహ్లీల సరసన కెఎల్ రాహుల్.!

Posted: 04/05/2022 06:31 PM IST

ఇండియన్ ప్రిమియర్ లీగ్ అనగానే అభిమానుల ఫేవరేట్ జట్లుగా రాణిస్తున్న జట్లను కూడా తోసిరాజుతూ ఎలాంటి అంచనాలు లేకుండా కొత్తగా వచ్చినా.. కొత్తదనంతో వచ్చినట్టు దూసుకుపోతోంది లక్నో సూపర్ జెయింట్స్ జట్టు. లేటుగా వచ్చినా లేటెస్టుగా వచ్చినట్లు.. అప్పుడే ఫ్లే-ఆఫ్ కు కూడా తన స్థానాన్ని ఖాయం చేసుకుంది. అందుకు కారణంగా జట్టుకు సారధ్యబాధ్యతలు వహిస్తున్న కేఎల్ రాహుల్ నాయకత్వం. తన తోటి ఆటగాళ్లను అందరినీ కలుపుకుని ముందుకు తీసుకెళ్తున్న విధానం.. వారిని నిత్యం ప్రోత్సహిస్తున్న కారణంగా ఈ జట్టు ముందుకు దూసుకెళ్తోంది.

ఇక లక్నో జట్టు కెప్టెన్.. టీమిండియా స్టార్‌ ఆటగాడు కేఎల్‌ రాహుల్‌ టీ20ల్లో అరుదైన ఘనత సాధించాడు. టీ20ల్లో 50 అర్ధసెంచరీలు సాధించిన ఐదో భారత ఆటగాడిగా రికార్డులకెక్కాడు. ఐపీఎల్‌-2022లో భాగంగా సన్‌రైజెర్స్‌ హైదరాబాద్‌తో జరిగిన మ్యాచ్‌లో అర్ద సెంచరీ చేసిన రాహుల్‌ ఈ ఘనత సాధించాడు. ఈ మ్యాచ్‌లో రాహుల్‌ 50 బంతుల్లో 68 పరుగులు చేశాడు. కాగా రాహుల్‌కు ఐపీఎల్‌లో ఇది 28వ అర్ధసెంచరీ. ఇక ఈ ఘనత సాధించిన జాబితాలో తొలి స్థానంలో టీమిండియా మాజీ కెప్టెన్‌ విరాట్‌ కోహ్లి ఉన్నాడు. అతడు 76 అర్దసెంచరీలు సాధించాడు.

టీ20ల్లో అత్యధిక అర్ధసెంచరీలు సాధించిన భారత ఆటగాళ్లు
విరాట్‌ కోహ్లి(328 మ్యాచ్‌లు)- 76 అర్ధ సెంచరీలు
రోహిత్‌ శర్మ(372 మ్యాచ్‌లు )- 69 అర్ధ సెంచరీలు
శిఖర్‌ ధావన్‌(305 మ్యాచ్‌లు)- 63 అర్ధ సెంచరీలు
సురేష్‌ రైనా  (336 మ్యాచ్‌లు)-53 అర్ధ సెంచరీలు
కెఎల్‌ రాహుల్‌(175 మ్యాచ్‌లు)-50 అర్ధ సెంచరీలు