ఔరా.. ఈ ఫీల్డర్ సిక్సర్ ను ఎలా ఔట్ గా మలిచాడు.!

Posted: 01/10/2020 09:26 PM IST

టీ20 క్రికెట్‌ తెరపైకి వచ్చిన తర్వాత ఫీల్డింగ్‌లో అథ్లెటిక్‌ విన్యాసాలు చూస్తున్నాం. తాజాగా ఆస్ట్రేలియాలో జరుగుతున్న బిగ్ బాష్‌ లీగ్లో ఇలాంటి మరో అద్భుతం చోటుచేసుకుంది. గబ్బా వేదికగా బ్రిస్బేన్‌ హీట్‌, హోబర్ట్‌ హరీకేన్స్‌ జట్ల మధ్య జరిగిన మ్యాచ్లో మ్యాట్‌ రెన్ షా కళ్లు చెదిరే క్యాచ్‌ అందుకున్నాడు. ఈ విన్యాసం చూసిన అంపైర్లకు, ఆటగాళ్లకు అది ఔటో.. నాటౌటో అర్థంకాక తికమక పడ్డారు. చివరికి ఆ బ్యాట్స్ మన్‌ నిష్క్రమించడంతో మ్యాచ్‌ కొనసాగింది. ఇది ఔటా.? కాదాన్న చర్చకు దారితీసింది.

అసలేం జరిగిందంటే.. హరికేన్స్‌ కెప్టెన్‌ మాథ్యూ వేడ్‌ భారీ షాట్ ను సిక్స్‌ గా మలిచే ప్రయత్నం చేశాడు. అయితే బౌండరీ వద్దకు పరుగెత్తుకెళ్లిన మ్యాట్‌ రెన్ షా బంతిని అందుకున్నాడు. అదే సమయంలో అదుపు తప్పడంతో బంతిని గాల్లోకి ఎగిరేసి తాను బౌండరీ దాటాడు. ఆ సమయంలో బంతికి తిరిగి బౌండరీ లైన్ దాటి వస్తుందని గ్రహించిన రెన్ షా.. ఎగిరి మరీ బంతిని మళ్లీ గాల్లోకి విసిరే క్రమంలో తనవైపు వస్తున్న మరో ఫీల్డర్ ను గమనించి అతనిపైవుకు విసిరాడు. దీంతో అంతా అవ్యాక్కయ్యారు.

లార్డ్స్‌ మైదానం పేరిట ఉన్న ఓ ట్విటర్లో ఈ వీడియో పోస్టు చేయడంతో దీనిపై భిన్నాభిప్రాయాలు వ్యక్తమౌతున్నాయి. ఇదిలా ఉండగా క్రికెట్‌ నిబంధన 19.5 ప్రకారం అది ఔట్‌గా తేలింది. ఫీల్డర్‌ తొలిసారి బంతి అందుకున్నప్పుడు మైదానం లోపల ఉండటం, రెండోసారి గాలిలో ఉండటం వల్ల దాన్ని ఔట్‌గా గుర్తించాలని ఉంది. ఇది క్రికెట్‌ అభిమానుల్లో మరో చర్చకు దారితీసింది. ఏది ఏమైనా ఇలాంటి క్యాచ్ ఇప్పటివరకు నమోదు కాకపోవడంతో రెన్ షా అథ్లెటిక్స్ క్యాచ్ కు అభిమానులు ఫిదా అవుతున్నారు. మరీ మీరేమంటారు.?

Matthew Wade has to go after this spectacular effort from Matt Renshaw that will lead to plenty of debate about the Laws of Cricket! #BBL09 pic.twitter.com/wGEN8BtF5u

— cricket.com.au (@cricketcomau) January 9, 2020