మెరుపు వేగంతో స్టంప్ ఔట్ చేసిన ధోని

Posted: 01/26/2019 07:08 PM IST

అస్ట్రేలియాతో జరిగిన వన్డే సిరీస్ తో పుల్ ఫామ్ లోకి వచ్చిన టీమిండియా దిగ్గజం ధోనీ అదే జోష్, అదే ఫామ్ ను ఇటు న్యూజిలాండ్ లోనూ కంటిన్యూ చేస్తున్నాడు. ఇవాళ న్యూజీలాండ్ తో జరిగిన రెండో వన్డేలో బ్యాటింగ్ చేసిన ఆయన 48 పరుగులతో నాటౌట్ గా నిలిచాడు. అయితే ఈ మ్యాచ్లో ఆయన మెరుపు వేగంతో చేసిన స్టన్నింగ్ స్టంపౌట్ వైరల్ గా మారింది. వికెట్ కీపింగ్‌లో తనకు తిరుగులేదని మరోసారి నిరూపించాడు మిస్టర్ కూల్.

భారీ లక్ష్య ఛేదనలో కివీస్ తడబడుతోంది. కేదార్ జాదవ్ వేసిన 18వ ఓవర్లో మహీ స్టంపింగ్ మ్యాచ్‌లో హైలెట్‌గా నిలిచింది. జాదవ్ వేసిన తొలి బంతిని ముందుకు సాగి డిఫెన్స్ ఆడేందుకు రాస్ టేలర్ ప్రయత్నించగా అతని వెనుక కాలు కొద్దిసేపు గాల్లో ఉంది. అతని బ్యాక్ ఫూట్ కేవలం కొన్ని సెకన్లు మాత్రమే గాల్లో ఉండగా ధోనీ మెరుపు వేగంతో స్పందించి కివీస్ బ్యాట్స్‌మన్‌ను స్టంపింగ్ చేసి ఆశ్చర్యపరిచాడు.

జాద‌వ్‌ బౌలింగ్‌లో కళ్లు మూసి తెరిచేలోపు అతడు చేసిన స్టంపింగ్ చివరికి బౌలర్‌నూ షాక్‌కు గురి చేసింది. భారత నంబర్ వన్ జోడీగా ధోనీ-జాదవ్ నిలిచారని కితాబిచ్చారు. ఫామ్‌లో ఉన్న టేలర్(22) ఔటవడంతో కివీస్ కష్టాల్లో పడింది. ప్రపంచంలోనే అత్యంత ఉత్తమ వికెట్ కీపర్ ధోనీనేనని మాజీ క్రికెటర్లు, అభిమానులు ప్రశంసిస్తున్నారు.

pic.twitter.com/xCDltT2nhb

— MS (@premchoprafan) January 26, 2019