షాహిద్ అఫ్రీదికి ఘాటుగా బదులిచ్చిన సచిన్

Posted: 04/05/2018 04:08 PM IST

No outsider needs to tell us what to do sachin on shahid afridi s kashmir remark

క‌ాశ్మీర్ విష‌యంలో వివాదాస్ప‌ద‌ వ్యాఖ్య‌లు చేసి విమర్శల పాలవుతున్నపాకిస్తాన్ మాజీ కెప్టెన్ షాహిద్ అఫ్రీదికి ఇదివరకే పలువురు టీమిండియా క్రికెటర్ల విమర్శించారు. గౌతమ్ గంభీర్ అయితే మరీ ఘాటుగా రిప్లై పోస్టు చేశాడు. కాగా తాజాగా మాస్ట‌ర్ బ్లాస్ట‌ర్ స‌చిన్ టెండూల్క‌ర్ కూడా అఫ్రీదీపై ఘాటుగా విరుచుకుపడ్డాడు. ఇటీవ‌ల కాశ్మీర్ లో 12 మంది ఉగ్ర‌వాదుల‌ను భారత సైన్యం మ‌ట్టుబెట్టిన నేపథ్యంలో స్పందించిన అఫ్రీది.. కాశ్మీర్ ప్ర‌జ‌ల‌పై అణిచివేత తీవ్రంగా కొన‌సాగుతోంద‌ని, అక్క‌డి ప్ర‌జ‌ల ప‌రిస్థితి దారుణంగా ఉంద‌ని, ఐక్య‌రాజ్య‌స‌మితి వంటి సంస్థ‌లు ఏమి చేస్తున్నాయ‌ని వ‌రుస ట్వీట్లు చేశాడు.

అఫ్రీది ట్విట్లపై యావత్ దేశం నుంచి ఆయనకు విమర్శలు వెల్లువెత్తాయి. ఈ క్రమంలో టీమిండియా కెప్టెన్ విరాట్ కోహ్లీ సహా క్రికెటర్లు సురేష్ రైనా, గౌతం గంభీర్, మాజీ కెప్టెన్ క‌పిల్ దేవ్ ఘాటుగా స‌మాధానాలిచ్చారు. ఇక తాజాగా స‌చిన్ కూడా అఫ్రీది ట్వీట్ల‌పై స్పందించాడు. తాము ఏమి చేయాలో బ‌య‌టి వ్య‌క్తులు చెప్పాల్సిన ప‌నిలేద‌న్నాడు. ఇది దేశానికి దేశ సార్వభౌమాధికారానికి సంబంధించిన అంశమన్న సచిన్ ఘాటుగా బదులిచ్చాడు. ఇక ఆయన చేసిన ట్విట్ ఇది.. `దేశాన్ని న‌డిపించే స‌మర్థ‌మైన నేత‌లు మ‌నకున్నారు. మ‌నం ఏమి చేయాలో బ‌య‌టి వ్య‌క్తులు చెప్పాల్సిన ప‌ని లేద`ని స‌చిన్ అన్నాడు.