టీ20 సిరీస్ లో అసీస్ మెరుగ్గా అడుతారు

Posted: 10/06/2017 07:43 PM IST

టీమిండియాతో అటు టెస్టు, ఇటు వన్డే సిరీస్ లలో ఘోరంగా పరాజయం పాలై.. ఇక త్వరలో టీ20 సిరీస్ లో తలపడనున్న నేపథ్యంలో అసీస్ జట్టలో మనోధైర్యాన్ని నింపేందుకు రంగంలోకి దిగారు అసీస్ మాజీ క్రికెటర్లు. టీ20 క్రికెట్ లో తమ జట్టు విజయం సాధిస్తుందని ధీమా వ్యక్తం చేస్తున్నారు. తమ జట్టులోని నలుగురైదుగురు అటగాళ్లకు ఐఫీఎల్ అడిన అనుభవం వుందని, దాంతోనే వారు టీమిండియాపై జయకేతనం ఎగురవేస్తారని ఆసీస్‌ మాజీ సారథి మైకెల్‌ కాస్ప్రొవిజ్‌ అభిప్రాయాపడ్డారు.

ఇలా ఓ వైపు తమ జట్టులో మనోధైర్యాన్ని నింపుతూనే మరో వైపు టీమిండియాపై మైండ్ గేమ్ కు తన వంతు పాత్ర పోషించాడు కాస్ప్రోవిజ్. మాస్టర్‌ బ్లాస్టర్‌ సచిన్‌ తెంద్కులర్‌తో టీమిండియా సారథి కోహ్లీకి పోలిక ఏంటి అని ప్రశ్నించాడు. ఎప్పటికీ సచిన్‌ టెండుల్కర్‌ ఒక్కడే అని.. అతని స్థానాన్ని ఎవరూ భర్తీ చేయలేరని ఆయన అన్నాడు. సచిన్‌ భారత్‌కు ఎన్నో విజయాలు అందించాడు. కీలక సమయాల్లో జట్టును ఆదుకున్నాడు. అలాంటి సచిన్‌తో కోహ్లీని పోల్చడం సరికాదని మైకెల్‌ తెలిపారు.

రెండు దశాబ్దాల క్రితం షార్జాలో ఆసీస్‌-భారత్‌ మధ్య జరిగన మ్యాచ్ లోని ఘటనలు గుర్తు చేసుకుని అప్పటి సచిన్ స్థానంలో విరాట్ వుంటే విజయం సాద్యమయ్యేదా అని ప్రశ్నించారు. ఎప్పటికీ సచిన్‌ టెండుల్కర్‌ ఒక్కడేనని ఉద్ఘాటించారు. అతడి స్థానాన్ని ఎవరూ భర్తీ చేయలేరన్నారు. కోహ్లీ సారథిగా జట్టును ముందుండి నడిపిస్తున్నాడనడంలో ఎలాంటి సందేహం లేదని అంటూనే టీ20 సిరీస్ లో తమ జట్టు రాణిస్తుందని అశాభావం వ్యక్తం చేశారు. తమ జట్టులోని స్మిత్‌, వార్నర్‌, మ్యాక్స్‌వెల్‌, అరోన్‌ ఫించ్‌కి ఐపీఎల్‌లో ఆడిన అనుభవం ఉందని.. జట్టు విజయానికి ఇదే కలసివస్తుందన్నారు.