15 మంది సభ్యలతో టీమిండియా స్వాడ్

Posted: 09/12/2016 07:33 PM IST

భారత్ వేదికగా న్యూజిలాండ్‌తో జరగబోయే 3 టెస్టు మ్యాచ్‌ల సిరీస్‌లో పాల్గొనే జట్టును సెలక్షన్ కమిటీ ప్రకటించింది. సందీప్ పాటిల్ నేతృత్వంలో ముంబయిలో సమావేశం జరిగింది. ఈ సమావేశంలో టెస్టు జట్టు కెప్టెన్ విరాట్ కోహ్లీ, కోచ్ అనిల్ కుంబ్లే పాల్గొన్నారు. జట్టుకు ఎంపికైన ఆటగాళ్ల పేర్లు.. విరాట్ కోహ్లీ(కెప్టెన్), రాహుల్, పూజారా, రహానే, విజయ్, రోహిత్ శర్మ, రవిచంద్రన్ అశ్విన్, సాహా, రవీంద్ర జడేజా, షమీ, ఇషాంత్ శర్మ, భువనేశ్వర్ కుమార్, శిఖర్ ధావన్, అమిత్ మిశ్రా, ఉమేశ్ యాదవ్.
 
మరో అవకాశం ఇచ్చారు
రోహిత్ శర్మను టెస్టు జట్టులోకి తీసుకుంటారా లేదా అనే చర్చకు తెరపడింది. జట్టులోకి రోహిత్ శర్మను ఎంపిక చేశారు. టెస్టుల్లో రోహిత్ శర్మకు పేలవమైన రికార్డ్ ఉండడంతో జట్టులోకి ఎంపిక చేస్తారా లేదా అనే చర్చలు జరిగాయి. కొంతకాలంగా తుది జట్టులో స్థానాన్ని కోల్పొతున్న రోహిత్‌కు కోహ్లీ మద్ధతు ఇవ్వడంతో మరోసారి జట్టుకు ఎంపికయ్యాడు. ఈ నెల 22న కాన్పూర్‌లో భారత్, న్యూజిలాండ్ మధ్య తొలి టెస్టు మ్యాచ్ జరగనుంది. అనంతరం 5 వన్డే మ్యాచ్‌లు జరగునున్నాయి.