టెస్టు క్రికెట్ కెరీర్ టాప్ ర్యాంకులో అజింక్య రహానే

Posted: 08/16/2016 08:39 PM IST

Ajinkya rahane in career high rank in icc test rankings

వెస్టిండీస్ గడ్డపై తన సహజ ఆట తరీుతో రాణిస్తున్న టీమిండియా క్రికెటర్ అజింక్యా రహానే తన కెరీర్ లోనే బెస్ట్ ర్యాంకులో నిలిచాడు. తన నేతృత్వంలో టీమిండియాను తీసుకుని ఏకంగా జింబాబ్వేపై సిరీస్ ను గెలిచి వచ్చిన రహానే ఇటీవల వెస్టిండీస్ పర్యటనలో కూడా చక్కగా రాణించి అంతర్జాతీయ క్రికెట్ కౌన్సిల్(ఐసీసీ) టెస్ట్ ర్యాంకింగ్స్లో దూసుకుపోయాడు. ఐసీసీ తాజాగా వెల్లడించిన ఆటగాళ్ల ర్యాంకుల జాబితాలో రహానే తన కెరీర్ బెస్ట్ ర్యాంక్ సాధించాడు.

వెస్టిండీస్‌తో టెస్ట్ సిరీస్ ప్రారంభానికి ముందు పాకిస్తాన్ బ్యాట్స్‌మెన్ యూనిస్ ఖాన్‌తో సంయుక్తంగా 11వ ర్యాంకును పంచుకున్న రహానే.. తాజా టెస్టు ర్యాంకుల్లో 8వ స్థానానికి చేరుకున్నాడు. కాగా ఐసీసీ టెస్టు ర్యాంకింగ్ లలో అస్ట్రేలియా కెప్టెన్ స్టీవ్ స్మిత్ టాప్ లో నిలువగా, ఇటీవల ఇంగ్లండ్తో జరిగిన మ్యాచ్‌లో డబుల్ సెంచరీ సాధించిన యూనిస్ ఖాన్ మరోసారి టాప్ 5లో చోటు సంపాధించాడు. అయితే విరాట్ కోహ్లీ మాత్రం తన ర్యాంకును జారవిడుచుకున్నాడు.

గతంలో 13వ ర్యాంకులో వున్న కోహ్లీ తాజా ర్యాంకులలో 16వ స్థానానికి పడిపోయాడు. ఇక బౌలర్ల విషయంలో రవిచంద్రన్ అశ్విన్ తన ద్వితీయ స్థానాన్ని పథిలపర్చుకున్నాడు. రవీంద్ర జడేజా మాత్రం అరవ స్థానంలో కోనసాగుతున్నాడు. కాగా జేమ్స్ అండర్ సన్ మాత్రం బౌలర్ల జాబితాలో టాప్ లో కోనసాగుతున్నాడు.