రికార్డు స్థాయిలో ఓటమి.. సున్నాకే అలౌట్..

Posted: 02/12/2016 05:47 PM IST

ఇంగ్లండ్ అండ్ వేల్స్ క్రికెట్ బోర్డు నిర్వహించిన టోర్నీలో అత్యంత అరుదైన వింత ఘటన చోటుచేసుకుంది. ఆ మ్యాచ్ ఫలితం గురించి తెలుసుకున్న బిత్తరపోయింది. కెంట్ ప్రాంతంలోని కంటెర్ బరీ స్టేడియంలో ఓ ప్రాంతీయ టోర్నమెంట్లో చోటుచేసుకున్న వింత ఘటనకు సంబంధించిన వివరాలు ఇలా వున్నాయి. ఇంగ్లండ్ అండ్ వేల్స్ క్రికెట్ బోర్డు నిర్వహించిన  టోర్నమెంటులో బాష్ ఛైల్డ్ జట్టు, క్రైస్ట్ చర్చ్ యూనివర్సిటీ జట్లు ఫైనల్ చేరాయి. ఈ మ్యాచ్ లో తొలుత బ్యాటింగ్ చేసిన క్రైస్ట్ చర్చ్ యూనివర్సీటీ జట్టు 120 పరుగులు చేసింది. 121 పరుగుల విజయ లక్ష్యంతో బ్యాటింగ్ ప్రారంభించిన బాష్ చైల్డ్ జట్టు కేవలం 20 బంతులను ఎదుర్కొని 10 వికెట్లు కోల్పోయింది.

 ఈ మొత్తం బ్యాటింగ్ లో కేవలం ఒక్కబంతిని మాత్రమే బ్యాటుతో బ్యాట్స్ మన్ అడ్డుకోవడం విశేషం. దీంతో స్కోరు బోర్డుమీద పరుగులేమీ చేయకుండా ఆ జట్టు పెవిలియన్ చేరింది. ఈ ఫలితం గురించి విన్న ఇంగ్లండ్ అండ్ వేల్స్ క్రికెట్ బోర్డు బిత్తరపోయింది. ఎలా స్పందించాలో కూడా వారికి తెలియలేదు. కనీసం గల్లీ టోర్నీలో కూడా ఇలాంటి ఫలితం నమోదై ఉండదని అధికారులు అభిప్రాయపడ్డారు. ఏ స్థాయి క్రికెట్ లో అయినా ఇదే రికార్డేమో... ఇలాంటి రికార్డు నమోదయ్యే అవకాశం కూడా ఉండదని క్రికెట్ అభిమానులు అభిప్రాయపడ్డారు.