విరాట్ కోహ్లీ రికార్డ్.. 7వేల రన్స్ పూర్తి

Posted: 01/17/2016 06:59 PM IST

భారత్ ఆస్ట్రేలియా సిరీస్ లో టీమిండియా వరుస అజయాలతో సిరీస్ ను ఆస్ట్రేలియాకు సమర్పించేసింది. అయితే ఈ మ్యాచ్ లో మన బాలర్లు మంచి పర్ఫామెన్స్ నే కనబరిచినా కానీ ఆస్ట్రేలియా బ్యాట్స్ మన్ లు టీమిండియా ఓటమికి బాటలు వేశారు. అయితే మూడో వన్డే మ్యాచ్ లో విరాట్ కోహ్లీ ఓ అరుదైన రికార్డును సొంతం చేసుకున్నాడు. ఈ మ్యాచ్ లో భారత బ్యాట్స్ మాన్ విరాట్ కొహ్లి 117 బంతుల్లో 117 పరుగులు చేసాడు. కొహ్లీ సౌతాఫ్రికా ఆటగాడు ఏబీ డివిల్లియర్స్ బ్యాటింగ్ రికార్డ్ బద్దలు కొట్టాడు. మెల్బోర్న్‌లో జరిగిన ఈ మ్యాచ్‌లో కోహ్లీ 7,000 పరుగులు పూర్తి చేశాడు.

161 ఇన్నింగ్స్, 169 మ్యాచులలో కోహ్లీ ఈ రికార్డ్ సృష్టించాడు. అంతకుముందు ఈ రికార్డ్ డివిల్లియర్స్ పేరిట ఉంది. ఇతను 166 ఇన్నింగ్సులలో 7,000 పరుగులు పూర్తి చేశాడు. కోహ్లీ ఇప్పుడు అతని కంటే ఐదు ఇన్నింగ్స్ ముందే ఆ రికార్డ్ చేరువయ్యాడు. మూడో వన్డేలో 19 పరుగుల వ్యక్తిగత స్కోర్ వద్ద కోహ్లీ 7,000 పరుగుల మార్క్ చేరాడు. ఈ మ్యాచ్ లో ముందుగా బ్యాటింగ్ చేసిన భారత్ 50 ఓవర్లకు 6 వికెట్లు కోల్పోయి 295 పరుగులు చేసింది.

వన్డేలలో ఫాస్టెస్ట్ 7,000 :
విరాట్ కోహ్లీ (భారత్) - 161 ఇన్నింగ్స్ (2016)
ఏబీ డివిల్లీయర్స్ (దక్షిణాఫ్రికా) - 166 ఇన్నింగ్స్ (2014)
సౌరవ్ గంగూలీ (భారత్) - 174 ఇన్నింగ్స్ (2001)
బ్రయాన్ లారా(వెస్టిండీస్) - 183 ఇన్నింగ్స్ (2001)
డెస్మండ్ హేన్స్ (వెస్టిండీస్) - 187 ఇన్నింగ్స్ (1991)