అల్ స్టార్స్ లీగ్: సేహ్వాగ్ కు రెడ్ కార్పెట్ వేసిన సచిన్

Posted: 10/27/2015 07:12 PM IST

అంతర్జాతీయ క్రికెట్‌ నుంచి ఇటీవల రిటైర్మెంట్ ప్రకటించిన డేరింగ్ డాషింగ్ ఓపెనర్ వీరేంద్ర సెహ్వాగ్ కు... క్రికెట్ దిగ్గజాలు సచిన్ టెండూల్కర్-షేన్ వార్న్ తమ ఆధ్వర్యంలో రూపుదిద్దుకున్న ‘క్రికెట్ ఆల్ స్టార్స్ సిరీస్' టీ20 లీగ్ లో అగేందుకు రెడ్ కార్పెట్ ( ఎర్ర తివాచీని) పరిచారు. ఈ టార్నమెంటులో ఆడేందుకు సెహ్వాగ్ కూడా వారితో ఒప్పందం కుదుర్చుకున్నాడు. దీంతో ఈ సిరీస్‌లో ఒకనాటి భారత ఇన్నింగ్స్ ఓపెనర్లు సచిన్ టెండూల్కర్, వీరేంద్ర సెహ్వాగ్ మళ్లీ అదే జోడీగా ఏర్పడి ఓపెనర్లుగా అభిమానులకు కనువించు దేసే అవకాశం వుంది. అమెరికాలో వచ్చే నెలలో ఈ సిరీస్ ఫ్రారంభం కానుంది.

గత వారం రోజుల క్రితం అంతర్జాతీయ క్రికెట్ తో పాటు ఐపీఎల్ సహా అన్ని పార్మెట్ల క్రికెట్ కు వీడ్కోలు పలికిన వీరు..అక్టోబర్ 27న సెహ్వాగ్.. ఆల్ స్టార్స్ సిరీస్‌లో ప్రవేశించాడని సచిన్ టెండూల్కర్ తన ట్విట్టర్‌లో పేర్కొన్నాడు. గతంలో అనేక అంతర్జాతీయ మ్యాచుల్లో ఓపెనర్లుగా బరిలోకి దిగిన ఈ ద్వయం మళ్లీ ఈ టోర్నీ ద్వారా ఓపెనర్లుగా మైదానంలోకి అడుగుపెట్టనున్నట్లు తెలుస్తోంది. అయితే ఈ సందర్భంగా సచిన్ చేసిన ట్విట్ అందరినీ అకర్షిస్తుంది. ‘నా స్నేహితుడా..నీకు ఆల్ స్టార్స్ సిరీస్‌లోకి ఘన స్వాగతం' అంటూ సచిన్ టెండూల్కర్ ట్వీట్ చేశాడు.

షేన్ వార్న్ కూడా సెహ్వాగ్‌కు స్వాగతం పలుకుతూ ట్వీట్ చేశాడు. న్యూయార్క్‌లో కలుసుకుందామని పేర్కొన్నాడు.అమెరికాలో ఈ సిరీస్‌లో భాగంగా మూడు మ్యాచులు జరగనున్నాయి. సచిన్ బ్లాస్టర్స్, వార్న్ వారియర్స్ జట్లు తలపడతాయి. నవంబర్ 7న న్యూయార్క్‌లో తొలి మ్యాచ్ జరగనుంది. ఈ సిరీస్‌లో ఇప్పటికే సౌరవ్ గంగూలీ, బ్రియాన్ లారా, జాక్వెస్ కల్లిస్, రికీ పాంటింగ్, కుమార సంగక్కర, మహేల జయవర్ధనే, ముత్తయ్య మురళీ ధరన్, వివిఎస్ లక్ష్మణ్ లాంటి మాజీ దిగ్గజ ఆటగాళ్లు తమ పేరు నమోదు చేసున్నారు.

జి. మనోహర్