సన్ రైజింగ్ కోసం ఆరాటం.. కానీ దక్కేనా అవకాశం

Posted: 04/13/2015 04:14 PM IST

ఐపిఎల్-8 సీజన్ లో ఇంకా బోనికొట్టలేదని తెగ మదన పడుతున్నారు హైదరాబాద్ సన్ రైజర్స. కానీ ఇక మీదట వచ్చే అవకాశాలను మాత్రం అసలు వదులకోవడానికి ఆ జట్టు సిద్దంగా లేదు. ఎందుకంటే ఈ సీజన్ ఫేవరెట్ జట్టుల్లో ఒకటిగా ఉన్న సన్ రైజర్స్ ఇప్పటి వరకు బోణీ కొట్టక పొవడం వారికి నిజంగా నిరుత్సాహాన్ని కలిగిస్తోంది. అందుకే ఎలాగైనా ఐపిఎల్ లో అదిరిపోయే బోణీ కోసం తహతహలాడుతున్నారు సన్ రైజర్ టీం ఆటగాళ్లు.
 
ఐపీఎల్-8లో భాగంగా సోమవారం జరగనున్న 8వ మ్యాచ్ లో రాయల్ చాలెంజర్స్ బెంగళూరు, సన్ రైజర్స్ హైదరాబాద్ తలపడనున్నాయి. ఈ మ్యాచ్ లోనైనా నెగ్గి బోణి కొట్టాలని సన్ రైజర్స్ భావిస్తోంది. చెన్నై సూపర్ కింగ్స్ తో ఆడిన తొలి మ్యాచ్ లో హైదరాబాద్ ఓటమి చవిచూసింది. మరోవైపు తన తొలి మ్యాచ్ లో డిపెండింగ్ చాంపియన్ కోల్ కతాను కంగుతినిపించిన బెంగళూరు అదే జోరు కొనసాగించాలన్న పట్టుదలతో ఉంది. ఒంటి చేత్తో మ్యాచ్ ను గెలిపించిన డాషింగ్ బ్యాట్స్ మన్ క్రిస్ గేల్ పై చాలెంజర్స్ ఆశలు పెట్టుకుంది. గేల్ ను ఎంత తొందరగా అవుట్ చేస్తారనే దానిపై హైదరాబాద్ విజయవకాశాలు ఆధాపడివుంటాయి. ఏబీ డివిలియర్స్, విరాట్ కోహ్లి, దినేష్ కార్తీక్, రోసో స్థాయి మేరకు ఆడితే బెంగళూరును ఆపడం కష్టం. బౌలింగ్ ను నమ్ముకున్న సన్ రైజర్స్ తొలి మ్యాచ్ లో స్టెయిన్ ను ఆడించకుండా మూల్యం చెల్లించుకుంది. ఈ మ్యాచ్ లో అతడు బరిలోకి దిగే అవకాశముంది. ధావన్, వార్నర్, కానే విలియమ్సన్, బొపారా బ్యాటింగ్ భారం మోయనున్నారు.

కానీ సన్ రైజర్లు ఎంతలా ఆవపడుతున్నా.. బెంగళూరు మాత్రం ఆ ఆశలకు గండి కొట్టే అవకాశాలు గట్టిగా కనిపిస్తున్నాయి. ధావన్, వార్నర్, కానే విలియమ్సన్ లాంటి వాళ్లు గనక ఈ మ్యాచ్ లో తమ పర్ఫామెన్స్ తో అదరగొడితే మాత్రం హైదరాబాద్ సన్ రైజర్లకు ఇప్సట్లో రైజింగ్ లేనట్లే మరి. అయినా క్రికెట్ అన్నాక ఏమైనా జరగొచ్చు అనే సామెత ఉంది. మరి ఏం జరుగుతుందో తెలియాలంటే మాత్రం మ్యాచ్ చూడాల్సిందే.

- అభినవచారి