మలింగా... మజాకా...

Posted: 02/26/2014 11:38 AM IST

ఉపఖండంలో జరిగే ఆసియా కప్ టోర్నీ మొదటి మ్యాచ్ లో శ్రీలంక భోణీ కొట్టింది. నిన్న పాకిస్థాన్ తో జరిగిన తొలి మ్యాచ్ లో శ్రీలంక పోరాడి గెలిచింది. లసిత్ మలింగ మాయా జాలంతో పాకిస్థాన్ విజయం ముంగిట బోల్తా కొట్టింది. శ్రీలంక జట్టు సమిష్టిగా రాణించడంతో 12 పరుగుల తేడాతో విజయం సాధించింది.

ఖాన్ ఉస్మాన్ అలీ స్టేడియంలో జరిగిన మ్యాచ్‌లో ముందుగా బ్యాటింగ్ చేసిన శ్రీలంక నిర్ణీత 50 ఓవర్లలో 6 వికెట్ల నష్టానికి 296 పరుగుల భారీ స్కోరు చేసింది. శ్రీలంక ఆటగాళ్ళలో లాహిరు తిరుమన్నె (110 బంతుల్లో 102; 11 ఫోర్లు, 1 సిక్స్) శతకం సాధించగా...సంగక్కర (65 బంతుల్లో 67; 8 ఫోర్లు), మాథ్యూస్ (50 బంతుల్లో 55 నాటౌట్; 5 ఫోర్లు, 1 సిక్స్) రాణించడంతో ఈ స్కోరు సాధ్యమైంది.

ఆ తరువాత 297 పరుగుల విజయ లక్ష్యంతో బరిలో దిగిన పాకిస్థాన్ కి ఆదిలోనే కష్టాలు ఎదురయ్యినా, తరువాత పుంజుకొని చివరి వరకు పోరాడినా ఫలితం దక్కలేదు. 120 పరుగులకే నాలుగు వికెట్లు కోల్పోయిన పాకిస్థాన్ ని మిస్బావుల్ హక్ (73) ఉమర్ అక్మల్ (74) మంచి భాగస్వామ్యాన్ని నెల కొల్పి విజయానికి చేరువగా 46 బంతుల్లో 55 పరుగుల వరకు మ్యాచ్ ని తీసుకొచ్చినా, పాక్ అంచనాల్ని తలకిందులు చేస్తూ 42 పరుగులకే చివరి ఐదు వికెట్లు కోల్పోయి ఓటమి చవిచూశారు. మలింగ చివరి వికెట్లు (5-52) తో పాకి నడ్డి విరిచాడు. మలింగకు మ్యాన్ ఆఫ్ ద మ్యాచ్ అవార్డు లభించింది.

Knr