సెంచరీతో రెండో టెస్ట్ డ్రా చేసిన విరాట్

Posted: 02/18/2014 08:11 PM IST

 భారత్, న్యూజిలాండ్ జట్ల మధ్య జరిగిన రెండో టెస్ట్ డ్రాగా ముగిసింది. దీంతో రెండు టెస్టుల సిరీస్ ను కివీస్ 1-0తో గెల్చుకుంది. న్యూజిలాండ్ నిర్దేశించిన 435 పరుగుల లక్ష్యాన్ని ఛేదించేందుకు బరిలోకి దిగిన టీమిండియా తన రెండో ఇన్నింగ్స్ లో 3 వికెట్లు కోల్పోయి 166 పరుగులు చేసింది. 

విరాట్ కోహ్లి(105) సెంచరీతో అజేయంగా నిలిచాడు. రోహిత్ శర్మ 31 పరుగులతో అతడికి తోడుగా నిలిచాడు. మురళీ విజయ్ 7, పూజారా 2, ధావన్ 17 పరుగులు చేసి అవుటయ్యారు. 571/6 ఓవర్ నైట్ స్కోరుతో చివరిరోజు ఆట ప్రారంభించిన కివీస్ 680/8 స్కోరు వద్ద డిక్లేర్ చేసింది. 

బ్రెండన్ మెకల్లమ్‌(302) ట్రిఫుల్ సెంచరీ సాధించాడు. నీషామ్(137) శతకంతో అజేయంగా నిలిచాడు. బ్రెండన్ మెకల్లమ్‌ 'మ్యాన్ ఆఫ్ ద మ్యాచ్'గా ఎంపికయ్యాడు.