చెస్ లో కొత్త ప్రపంచ ఛాంపియన్ కార్ల్ సన్

Posted: 11/23/2013 01:37 PM IST

ప్రపంచ చెస్ ఛాంపియన్ షిప్ లో కొత్త శకం ప్రారంభం అయింది. గత ఆరేళ్ళుగా చెస్ సామ్రాజ్యంలో రారాజుగా ఉన్న మన భారతీయుడు విశ్వనాథ్ నాధ్ ఆనంద్ ను చిత్తు చేసి 22 సంవత్సరాల నార్వే కుర్రాడు విశ్వ విజేతగా నిలిచాడు. టోర్నీ ఆరంభం నుండి రికార్డు రేటింగ్ తో ఫేవరెట్ గా బరిలో దిగిన కార్ల్ సన్ గురి తప్పలేదు. అత్యాధునిక చెస్ లో ఏకపక్షంగా సాగిన ఈ మ్యాచ్ లో కార్ల్ సన్ 6.5 ,3.5 తేడాతో ఆనంద్ ను ఓడించి కొత్త ఛాంపియన్ గా అవతరించాడు.

ఐదు పర్యాయాలు టైటిల్ సాధించిన డిఫెండింగ్ చాంపియన్ విశ్వనాథన్ ఆనంద్‌తో ప్రపంచ చెస్ చాంపియన్‌షిప్ పోటీల్లో తలపడిన కార్ల్‌సెన్ పదో గేమ్‌ను డ్రా చేసుకోవడం ద్వారా, విజయానికి అవసరమైన 6.5 పాయింట్లను చేరుకున్నాడు. 12 గేమ్స్ జరిగే ఈ పోటీల్లో మూడు పరాజయాలు ఎదుర్కొన్న ఆనంద్ చివరి మూడు గేమ్స్‌ను గెలవడం తప్పనిసరిగా మారింది. తీవ్రమైన ఒత్తిడితో పదో గేమ్‌లో బరిలోకి దిగిన అతను 65 ఎత్తులు పోరాడినప్పటికీ లాభం లేకపోయింది.

2010 నుంచి అత్యధిక ఎలో రేటింగ్ పాయింట్లతో ప్రపంచ నంబర్‌వన్ స్థానంలో కొనసాగుతున్నప్పటికీ కార్ల్‌సెన్‌కు ప్రపంచ చాంపియన్‌షిప్ ఇప్పటి వరకూ దక్కలేదు. అనధికారికంగా విశ్వవిజేతగా ఉన్న అతను ఇప్పుడు పూర్తి స్థాయి చాంపియన్‌గా అవతరించాడు. ప్రపంచ ఛాంపియన్ షిప్ గెల్చిన అతిచిన్న వయస్కుడిగా రికార్డుల్లోకి ఎక్కడు.