తొలి వన్డేలో భారత్ ఘనవిజయం

Posted: 11/22/2013 09:41 AM IST

భారత్ - విస్టిండీస్ జట్ల మధ్య మూడు వన్డేల సిరీస్ లో భాగంగా కొచ్చిలో జరిగిన డే-నైట్ మ్యాచ్ మొదటి వన్డేలో భారత్ ఆరు వికెట్ల  తేడాతో ఘన విజయం సాధించింది. భారత ఆటగాళ్ళు విరాట్ కోహ్లీ, రోహిత్ శర్మలు విజృంభించడానికి తోడు భారత బౌలర్లు విండీస్ బ్యాట్స్ మెన్స్ నడ్డి విరవడంతో భారత్ వన్డే సిరీస్ లో శుభారంబభం చేసింది.

మొదట టాస్ గెలిచి బ్యాటింగ్ ఎంచుకున్న విస్టిండీస్ 48.5 ఓవర్లలో 211 పరుగులకు ఆలౌటయ్యారు. విండీస్ జట్టులో డారెన్ బ్రావో (59) టాప్ స్కోరర్. బ్రావో, చార్లెస్ (42) మినహా ఇతర బ్యాట్స్మెన్స్ ఎవరు రాణించక పోవడంతో తక్కువ పరుగులకే వెనుదిరిగారు. విండీస్ విధ్వంసక వీరుడు క్రిస్ గేల్ రెండో బంతికే భువీ రనౌట్ చేశాడు.

భారత బౌలర్లలో రైనా, జడేజా చెరో మూడు, అశ్విన్ రెండు, షమీ వికెట్ తీశారు. ఆ తరువాత స్వల్ప లక్ష్యంతో బరిలోకి దిగిన భారత్ యువ బ్సాట్స్ మెన్స్  విరాట్ కోహ్లీ (86), రోహిత్ శర్మ (72) హాఫ్ సెంచరీలతో రాణించారు. ధవన్ (5) నిరాశపరిచినా కోహ్లీ, రోహిత్ రెండో వికెట్టుకు 133 పరుగుల భాగస్వామ్యం నెలకొల్పి విజయానికి బాటలు వేశారు. మ్యాన్ ఆఫ్ ద మ్యాచ్ విరాట్ కోహ్లీకి దక్కింది.