అశ్విన్ కుమ్మేశాడు

Posted: 11/08/2013 12:11 PM IST

Ashwin put india in command in 1st test against west indies

కోల్ కత్తా ఈడెన్ గార్డెన్ లో వెస్టిండీస్ తో జరగుతున్న తొలి టెస్టు మొదటి ఇన్నింగ్స్ లో రెండో రోజు 354 పరుగులు చేసిన ధోని సేన మూడో రోజు మరో 99 పరుగులు జోడించి 453 పరుగులకు ఆలౌట్ అయింది. నిన్న సెంచరీతో చెలరేగిపోయిన రోహిత్ శర్మ నేడు మరిన్ని పరుగులు జోడించి 177 పరుగుల వ్యక్తిగత స్కోరు వద్ద అవుట్ అయ్యాడు. ఇక నిన్న సెంచరీకి చేరువైన బౌలర్ అశ్విన్ 159 బంతుల్లో 11 ఫోర్లతో 124 పరుగులు చేసి వెనుదిరిగాడు.

ఆ తరువాత వచ్చిన లోయర్ ఆర్డర్ బ్యాట్స్ మెన్స్ ఇలా వచ్చి అలా వెళ్ళి పోవడంతో భారత్ స్కోరు 453 పరుగులకు పరిమితం అయ్యి 219 పరుగుల ఆధిక్యంలోకి దూసుకెళ్ళింది. లంచ్ విరామానికి ముందే భారత్ ఆలౌటయింది. విండీస్ బౌలర్లలో షిల్లాంగ్ ఫోర్డ్ 6 వికెట్లు నేలకూల్చాడు. పెరుమాల్ 2 వికెట్లు దక్కించుకున్నాడు. బెస్ట్, కొట్రీల్ చెరో వికెట్ తీశారు.

లంచ్ తరువాత బ్యాటింగ్ ప్రారంబించిన విండీస్ కడపటి వార్తలు అందేసరికి ఓపెనర్ గేల్ కొద్దిసేపు దూకుడుగా ఆడి 33 పరుగులు చేసి భువనేశ్వర్ బౌలింగ్ లో వెనుదిరిగాడు. ప్రస్తుతం 12 ఓవర్లు ముగిసే సరికి 43 పరుగులు చేసింది. పావెల్ (6) పరగులతో , బ్రావో (0)లో క్రీజులో ఉన్నారు.