జడేజా సర్ కి నెంబర్ వన్ ర్యాంకు

Posted: 08/05/2013 12:54 PM IST

Ravindra jadeja conquers icc odi bowlers rankings

ఇటీవలి కాలంలో ఆల్ రౌండ్ ప్రతిభతో అందర్ని ఆకట్టుకుంటున్న రవీంద్ర జడేజాకు ఐసీసీ తాజాగా విడుదల చేసిన బౌలర్ల ర్యాంకింగ్ లో నెంబర్ వన్ స్దానాన్ని దక్కించుకున్నాడు. వెస్టిండీస్ స్పిన్నర్ సునీల్ నరైత్ తో పాటు జడేజాకు కూడానెంబర్ వన్ స్ధానం దక్కింది. దాదాపు 18 సంవత్సరాల తరువాత ఒక భారత బౌలర్ కు నెంబర్ వన్ స్థానం దక్కింది. భారత బౌలర్ గా నెంబర్ వన్ స్ధానం దక్కించుకున్న జడేజా ఆ ఘనత సాధించిన నాలుగో భారత ఆటగాడిగా పేరొందాడు. జింబాబ్వేతో జరిగిన చివరి వన్డేలో ఏకంగా ఐదు వికెట్లు తీసుకోవడంతో నాలుగు స్ధానాలు ఎగబాకి నెంబర్ వన్ స్థానంలో నిలిచాడు. బ్యాటింగ్ విభాగంలో విరాట్ కోహ్లి (4వ ర్యాంకు), కెప్టెన్ ధోని (7వ ర్యాంక్)లు ఒక్కో ర్యాంకును కోల్పోయారు. రైనా 17వ, శిఖర్ ధావన్ 23వ ర్యాంకుకు ఎగబాకారు. ఆమ్లా (దక్షిణాఫ్రికా) అగ్రస్థానంలో ఉన్నాడు. మాజీ కెప్టెన్, స్పిన్నర్ అనిల్ కుంబ్లే (1996) తర్వాత ఈ ర్యాంకు పొందిన భారత బౌలర్‌గా జడేజా ఘనత వహించాడు.