రెండో టెస్టు కూడా ఇంగ్లాండ్ దే

Posted: 07/22/2013 12:20 PM IST

 

 

క్రికెట్ లో కొన్ని ప్రతిష్ఠాత్మకమైన సిరీస్ లు ఉంటాయి. ఆ మ్యాచ్ ల కోసం అభిమానులు ఎంతో ఆసక్తిగా ఎదురు చూస్తారు. అలాంటి మ్యాచ్ లు వన్ సైడ్ వార్ ల నడిస్తే మజా ఏ ముంటుంది. ఇప్పుడు కూడా అదే జరుగుతుంది. ఇంగ్లాండ్ లో జరుగుతున్న ‘యాషెష్ ’ సిరీస్ అంతా ఏకపక్షంగా జరుగుతుంది. అతిథ్య జట్టు ధాటికి ఆసీస్ నిలవలేక పోతుంది. లార్డ్స్ లో జరిగిన రెండో టెస్టులో కనీస పోటీ ఇవ్వకుండా చేతులెత్తేసి ఆసీస్ 347 పరుగుల భారీ తేడాతో ఓటమిని కూడ మూట గట్టుకుంది. దీంతో ఐదు మ్యాచ్‌ల సిరీస్‌లో 2-0 ఆధిక్యాన్ని సంపాదించింది. రెండు ఇన్నింగ్స్ ల్లో మంచి స్కోరు సాధించిన ఇంగ్లాండ్ ఆసీస్ కి 583 పరుగుల భారీ లక్ష్యాన్ని నిర్దేశించింది. నాలుగో రోజు బరిలోకి దిగిన ఆస్ట్రేలియా రెండో ఇన్నింగ్స్‌లో 90.3 ఓవర్లలో 235 పరుగులకు ఆలౌటైంది. ఉస్మాన్ ఖాజా (133 బంతుల్లో 54; 7 ఫోర్లు)  క్లార్క్ (85 బంతుల్లో 51; 7 ఫోర్లు) తప్ప మిగతా వారు పెవీలియన్ కి క్యూ కట్టే సరికి ఆస్ట్రేలియా భారీ ఓటమి చవిచూడాల్సి వచ్చింది. ఓ దశలో ఆసీస్ 192 పరుగులకే 9 వికెట్లు కోల్పోయింది. కానీ చివర్లో ఆసీస్ ఆటగాళ్ళు కాసేపు విసిగించడంతో ఇంగ్లండ్ బౌలర్లు చాలా శ్రమించాల్సి వచ్చింది. చివరకు ఓవర్ల కోటా పూర్తి కావడంతో అదనంగా మరో 8 ఓవర్ల పాటు మ్యాచ్‌ను కొనసాగించారు. ఎట్టకేలకు చివరి ఓవర్లో మూడో బంతికి స్వాన్ ప్యాటిన్సన్ ను అవుట్ చేయడంతో కుక్‌సేన సంబరాల్లో మునిగిపోయింది. రూట్‌కు ‘మ్యాన్ ఆఫ్ ద మ్యాచ్ ’ అవార్డు లభించింది. మూడో టెస్టు ఆగస్టు 1 నుంచి 5 వరకు మాంచెస్టర్‌లో జరుగుతుంది. 1978-79 లో తరువాత ఇంగ్లాండ్ యాషెస్ లో వరుసగా రెండు టెస్టులు గెలిచింది.