అజహార్ పై ఏక్తాకపూర్ సినిమా

Posted: 07/18/2013 11:40 AM IST

 

 

భారత క్రికెట్ జట్టు మాజీ కెప్టెన్, ప్రముఖ క్రికెటర్ అయిన అజహారుద్దీన్ త్వరలో బాలీవుడ్ తెర పై కనిపించబోతున్నాడు. అంటే నటించేస్తున్నాడా అని ఆశ్చర్యపోకండి. ఆయన జీతంలో జరిగిన ఎన్నో సంఘటనలు, మలుపు, విషాదాలు, సంతోషాల ఆధారంగా ఓ సినిమా రూపొందబోతుంది. మణికట్టు మాయాజాలంతో బంతిని బౌంబరీకి పంపే స్పెషల్ బ్యాట్స్ మెన్ గా పేరుతెచ్చుకున్న ఈయన ఆట ఎందరో ఆటగాళ్లకు స్పూర్తి. అలాంటి అజహర్ జీవితంలో సినిమాకు కావాల్సిన అంశాలన్నీ ఉన్నాయి. ఇదే క్యాచ్ చేసి, క్యాష్ చేసుకోవాలనుకుంటుంది ప్రముఖ నిర్మాత, దర్శకురాలు అయిన ఏక్తా కపూర్. హైదరాబాదీ బ్యాట్స్‌మెన్, క్రికెటర్, ఎంపీ అజారుద్దీన్ కథను చిత్రంగా తీయడానికి బాలీవుడ్ నిర్మాత ఏక్తా కపూర్ సన్నాహాలు చేస్తున్న వార్తలను కూడా ఆమె ఖండించకపోవడంతో మరింత బలాన్ని చేకూర్చింది. ఇప్పటికే మిల్కాసింగ్ జీవిత కథతో తెరకెక్కిన భాగ్ మిల్కా భాగ్ చిత్రం ప్రపంచమంతటా కలెక్షన్లతో అదరగొట్టేస్తుంది.  బాక్సర్ మేరికామ్ బయోగ్రఫీ ఆధారంగా కూడా ప్రియాంక చోప్రా ప్రధాన పాత్రలో ఓ చిత్రం రూపొందుతుంది.

కమర్షియల్ పాయింట్లను క్యాష్ చేసుకోవాలనే బాలీవుడ్ నిర్మాతలు ఇప్పుడు క్రీడాకారుల జీవితాలను తిరగేసే పనిలో పడ్డారని తెలుస్తుంది. అజహర్ బయోగ్రఫీ ఆధారంగా నిర్మించబోయే చిత్రానికి హక్కులను ఇప్పటికే సొంతం చేసుకోవడం కూడా జరిగినట్టు తెలుస్తోంది.. ఉత్తర ప్రదేశ్ నుంచి మొరాదాబాద్ ఎంపీగా కొనసాగుతున్న అజారుద్దీన్‌తో నిర్మాత ఇటీవల అగ్రిమెంట్ కూడా జరిగినట్టు తెలిసింది. ఇందులో అజహార్ పాత్రను ప్రముఖ బాలీవుడ్ యంగ్ హీరోలలో ఎవరో ఒకరు నటిస్తారని సమాచారం. ఏక్తా అజహార్ జీవితాన్ని ఎలా చూపించబోతుందో చూడాలి.