ఆసీస్ కూడా క్యూ కడుతుంది

Posted: 07/11/2013 04:06 PM IST

ఇంగ్లాండ్ - ఆస్ట్రేలియా మధ్య జరిగే (బూడిద కప్పు) యాషెస్ సిరీస్ అంటే ఆ రెండు జట్లు చిన్న పాటి ప్రపంచకప్ ఆడుతున్నట్లుగా భావిస్తాయి. నిన్ననే ఈ రెండు జట్ల మధ్య ప్రారంభం అయిన ఈ సిరీస్ కి సంచలన ఆరంభం లభించింది. ఆసీన్ బౌలర్ల ధాటికి ఇంగ్లాండ్ బ్యాట్స్ మెన్స్ వచ్చిన వారు వచ్చినట్లే పెవీలియన్ ధారి పట్టారు. దీంతో మొదటి ఇన్నింగ్స్ లో ఇంగ్లాండ్ 215 పరుగులకే ఆలౌట్ అయింది. తరువాత తన మొదటి ఇన్నింగ్స్ ని ప్రారంభించిన ఆస్ట్రేలియా బ్యాట్స్ మెన్స్ కూడా వచ్చిన వారు వచ్చినట్లే క్యూ కట్టారు. దీంతో మొదటి రోజు ఆట ముగిసే సమయానికి ఆసీస్ నాలుగు వికెట్లు కోల్పోయి 75 పరుగులు చేసింది. దీంతో మొదటి రోజు 14 వికెట్లు పడ్డాయి. ఇంగ్లాండ్ బ్యాట్స్ మెన్స్ లో ట్రాట్ (80 బంతుల్లో 48; 9 ఫోర్లు) టాప్ స్కోరర్‌గా నిలవగా... బెయిర్ స్టో (37), రూట్ (30), బ్రాడ్ (24) కొద్ది సేపు ప్రతిఘటించగలిగారు. మిగతా వారు ఆసీస్ బౌలర్ల ధాటికి నిలవలేక పోయారు.  పీటర్ సిడిల్ (5/50) తో ఇంగ్లాండ్ ని చావు దెబ్బ కొట్టడానికి తోడు ప్యాటిన్సన్ (3/69), స్టార్క్ (2/54) రాణించారు. ఇక ఆసీస్ కూడా ఆరంభంలో చకచకా స్టీవెన్ ఫిన్ ధాటికి వాట్సన్ (13), కొవాన్ (0) వెనుదిరగ్గా...ఆ తర్వాత క్లార్క్ (0), రోజర్స్ (16) అండర్స్ పెవీలియన్ పంపించాడు. 75 పరుగుల ఓవర్ నైట్ స్కోరుతో రెండో రోజు ఆట ప్రారంభించిన ఆసీస్ ప్రస్తుతం 114 పరుగులకు 7 వికెట్లు కోల్పోయింది