సైనాకి అవమానం జరిగిందా ?

Posted: 05/28/2013 12:05 PM IST

ఒలంపిక్స్ లో భారత్ కి బ్యాడ్మింటన్ లో పథకం సాధించి పెట్టి భారత కీర్తిని నలుమూలల చాటిన తెలుగు తేజం అయిన సైనా నెహ్వాల్ కి ఐపీఎల్ ఫైనల్ మ్యాచ్ కి పిలిచి మరీ అవమానించారు. ఈమె కోల్ కత్తాలోని ఈడెన్ గార్డెన్స్ లో ముంబై, చెన్నై మధ్య జరిగిన ఐపీఎల్ ఫైనల్ మ్యాచ్ కు స్టార్ స్పోర్ట్స్ వారి ఆహ్వానం మేరకు హాజరైంది. ఈమె అక్కడ ప్రత్యక్షం కావడంతో అభిమానులు సంతోషపడిపోయారు. ఇక మ్యాచ్ అనంతరం అవార్డుల ప్రధాన కార్యక్రమ వేదిక వద్దకు చేరుకున్న సైనా మ్యాన్ ఆఫ్ ద మ్యాచ్ అవార్డును ఈమె చేతుల ద్వారా అందించాలని భావించారు. ఈ కార్యక్రమానికి వ్యాఖ్యాతగా వ్యవహరించిన రవిశాస్త్రి... పొలార్డ్‌కు మ్యాన్ ఆఫ్ ద మ్యాచ్ అవార్డు సైనా అందజేస్తుందని కూడా చెప్పారు. కానీ ఏమైయిందో ఏమో కానీ మరో వ్యక్తి పొలార్డ్‌కు అవార్డు ఇచ్చారు. దాంతో రవిశాస్త్రి కూడా వెంటనే అతని పేరు పలికాడు. దీంతో సైనా ఒక్కసారిగా బిత్తరపోయింది. అయితే ఆమె అభిమానులు మాత్రం సైనాను అంత దూరం పిలిచి క్రికెట్ వాళ్ళు అవమానించారిని అంటున్నారు. ఇది ఒకరంగా సైనాకు అవమానమనే చెప్పాలి.