ధోని పై కేసు

Posted: 05/06/2013 09:59 PM IST

Case against ms dhoni for hurting religious sentiments

టీం ఇండియా రథ సారథి మహేంద్ర సింగ్ ధోనీ పై బెంగుళూరు కోర్టు నేడు కేసు నమోదు అయింది. ఇంతకీ ఈయన చేసిన తప్పు ఏంటనేగా మీ సందేహం. మన మహేంద్రుడు ఇటు ఆటలో అదరగొట్టడమే కాకుండా, అటు వాణిజ్య ప్రకటనల్లో పలు కంపెనీలకు బ్రాండ్ అంబాసిడర్ గా ఉన్న విషయం తెలిసిందే . ఇటీవల ఆయన ఓ యాడ్ లో తాను ప్రచారం చేస్తున్న కంపెనీ వస్తువులన్నింటి విష్ణు అవతారంలో చాలా చేతులలో వాటిని పట్టుకొని కనిస్తాడు. ధోని మోటర్ బైకుల నుండి చెప్పులు, షూ కంపెనీలకు కూడా బ్రాండ్ అంబాసిడర్ గా ఉన్నాడు. ఆ విష్ణు అవతారంలో ధోని తాను నటించిన షూ కంపెనీ బూటును చేతిలో పట్టుకొని ఉన్నాడు. ఈ యాడ్ చూసిన ఓ సామాజిక ఉద్యమ కారుడు విజయ్ అనే వ్యక్తి దేవుడి రూపంలో ఉంటూ చేతిలో బూటు పట్టుకోవడం అంటే దేవుణ్ని కించపరచడమే కాకుండా, హిందువుల మనో భావాలను దెబ్బతీసే విధంగా ఉన్నాయని ఆయన కోర్టులో కేసు వేశాడు. దీనిని స్వీకరించిన కోర్టు ఈనెల 12న విచారణ చేపట్టనుంది. అయినా డబ్బు ఇస్తే ఏ యాడ్ లో పడితే దానిలో నటించడమేనా అని పలువురు అభిమానులు ఆగ్రహం వ్యక్తం చేస్తున్నారు .