రైజర్స్ ని చిత్తు చేసిన రైడర్స్

Posted: 04/15/2013 01:46 PM IST

ఇప్పటి వరకు విజయాలతో రేజ్ లో ఉన్న సన్ రైజర్స్ డీలా పడగా, డీలా పడి ఉన్న రైడర్స్ జట్టు ఒక్కసారిగా పుంజుకొని హైదరాబాద్ జట్టుకు షాక్ ఇచ్చింది. నిన్న కోల్ కత్తాలో లో జరిగిన మ్యాచ్ లో సన్ రైజర్స్ ని కోల్ కత్తా చిత్తుగా ఓడించింది. టాస్ గెలిచి బ్యాటింగ్ ఎంచుకున్న నైట్ రైడర్స్ జట్టు బ్యాట్స్ మెన్స్ చెలరేగి ఆడారు. కెప్టెన్ గంభీర్  అర్థ సెంచరీతో రాణించగా, తర్వాత మోర్గాన్, కలిస్ కలిసి కోల్‌కతా ఊపును కొనసాగించారు. ప్రధానంగా కలిస్ ( 27 బంతుల్లో 41) ఆఖరి బంతికి అవుట్ కాగా, 19వ ఓవర్‌లో అవుటైన మోర్గాన్‌తో కలిసి ఆఖరి 28 బంతుల్లో దాదాపు 70 పరుగులను కొల్లగొట్టగలిగాడు. దీంతో 20 ఓవర్లు ముగిసే సరికి  రైడర్స్ 4 వికెట్ల నష్టానికి 180 పరుగుల భారీ స్కోర్ చేసింది. తరువాత లక్ష్యాన్ని చేధించడానికి భరిలోకి దిగిన సన్ రైజర్స్ ఛేధించలేక చతికిల పడింది. 20 ఓవర్లలో 137 పరుగులు మాత్రమే చేసి భారీ పరాజయాన్ని మూటకట్టుకుంది.